唔記得由幾時開始，已經無再係超級市場買啫喱食
想食甜品，可以去糖水鋪，
想食雪糕，可以去雪糕專門店
小小嘅啫喱係我哋呢班”似乎長大了"嘅大朋友嚟講已經成為經典
最近拖住姨甥仔行超級市場，
佢跑跑跳跳就走到雪櫃前，指住一盒盒唔同味道嘅啫喱
好耐無買過嘅我，突然俾佢吸引住，最後仲帶埋佢番屋企
係我無記性定係啫喱有新食法呢？
望住呢盒四方啫喱，突然發現佢有另一個食法
以前食啫喱，都會用匙羮食
但係讀緊幼稚園嘅姨甥女要我陪佢用飲管食⋯⋯
但係同小朋友食，
點都要用飲管試一試
一吸～
咦，又幾好食喎！
就係咁同兩個小朋友分享咗一個愉快嘅下午
小小嘅啫喱，我細個嘅時候係未都係咁拖住爸爸叫佢買俾我食㗎呢？
我當時又會食咩味呢？
唔知我食多兩次會唔會記得番呢？
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
