探險家攻略 > 興趣體驗 > 攝影 > 流れ星 ~ Plover Cove Reservoir

流れ星 ~ Plover Cove Reservoir

由森里於 2010-08-08 22:38:53 發表 | 累積瀏覽 780

分類：攝影；地區：大埔

流れ星 ~ Plover Cove Reservoir

嘻嘻. 3th Aug 天氣清到不得了 ﹐老友即興話去影星星﹐老友叫到﹐有野學又有星星影還識了一位攝影高手 tim ﹐緊係唔放過呢個機會啦.

原來睇番報紙﹐今年七月至八月初﹐空氣污染指數係呢十年內數一數二低ga, 所以係光害小的地方 (西貢, 蒲台島﹐清水灣﹐萬宜﹐石澳) 都有機會用肉眼看到銀河﹐至於邊個方向可以望到呢﹐就係東南偏南方向﹐相信香港最南的小島蒲台島應該最有機望到

最初諗住上大霧山﹐但大霧山有時會無啦起霧﹐加上第二日要上班關係﹐所以都係唔好博﹐去D實有野的地方好過

吃過晚飯﹐就到大埔火車站集合﹐搭 van 入大尾篤的船灣淡水湖 :)

十點入到去﹐其實呢度光害都唔野少 >_<﹐馬安山方向的超級光害﹐加上有四搜漁船 (船燈照到四圍都光晒..... 真係人算不如天算呢) 所以南面基本上光到可以睇書...............

用 wide 鏡對正天空﹐哈哈﹐真係滿天星 ga, 肉眼望到 30% 左右啦﹐用相機曝光 20s, 可以影到更多星星呢﹐成條銀河都出晒 ( (影星新手亂估中))﹐訓係壩上面﹐就咁望住天空都開心死啊

轉一轉藍色﹐星空係唔係仲靚呢﹐係香港可以影到靚星同睇到﹐就係要天時地利﹐決一不可 =。=

對著空中拍了 30 張左右﹐大約用了 10min ﹐組成下面星軌圖﹐因為地球自轉關係所以﹐星星會慢慢地移動﹐只要把相合拼就會見到佢地的路線﹐係唔係好得意呢

令一張, 最光的線應該係最光亮的 (金星? 木星? 是旦一粒 XDDDD) 做成﹐基本呢兩粒﹐平時係市區冇雲時都一定看到的﹐呢個星軌用了六十多張做成 ^^ 每張曝光 5s, 即係用了 5 min 左右呢

曝得幾分鐘扮流星雨

其中還看到了一粒流星 tim, 呵呵﹐還許了願

嘻嘻﹐借了朋友的魚眼 ^^

又係滿天星﹐超正 ^^

紫色天空係因為轉了 white balance XDDDD﹐這張又係星軌﹐大約用了二十多分鐘組成的﹐有冇睇到有一個中心位﹐有一點呢﹐呢個就係正北方啦﹐影星軌有一個技巧﹐若果想最後星軌成圓型﹐影的方向要對正北面

20min 內所影的其中一張﹐唔知點解有D 綠色野閃過﹐真係唔知係乜東東﹐唔通外星人 @o@/ 經過

除左有綠色怪野經過﹐還見到三棵流星 tim, 超 lucky ^^

影影下﹐突然見到西面的山後﹐有D野﹐紅紅地﹐黃黃地﹐初頭都唔知冇鬼野﹐以為山火﹐光好快升高﹐光度越來越強﹐oh.... 只好停影星軌﹐改影月出﹐若果有兩部相機係身就好 lu, 因為要影得又圓又靚的星軌﹐需時要 2.5 小時呢。

原來係月出啊﹐我第一次見係水平面初左右升上來﹐個景像好正 ga

正啊﹐初升的明月照亮了淡水湖﹐加上天空的星星同雲﹐今日大收獲啊 XDDDD

再 wide D, 睇多D 星星 ^^

影下馬安山............... 真係好光啊﹐再早一小時前﹐馬安山後港島方向仲光亮﹐直頭成條光柱射上天空﹐若果上面住了人﹐真係不用開燈都夠光 =。=‘’‘ 好強的光害 >_<

除了 laser 射上天﹐還有銀河鐵路999 ar XDDDDD

因為要趕番出去搭 van (尾班係 1:30 a.m) >_< 唔想走 tim. ;_;

期間都好多人入來踏單車 @_@ 咁黑踏單車係唔係特別激呢﹐除了踏單車﹐還見人潛水捉魚 @_@

星空散步道

再影下八仙嶺呢邊先

袂樂時間過得特別快快﹐短短二小時半﹐睇到同看到四粒流星﹐又影到銀河﹐看到月出﹐哈哈﹐真係超正超開心耶

西貢好似新開左個天文公園 ﹐希望遲下入去影星星 :)

大相全輯在此
http://www.fotop.net/chisato721/star08032010

初次用 Preimere 剪的片﹐哈哈﹐還可以啦加字幕﹐轉場同加配樂

入面睇到四粒流星﹐唔知大家又睇唔睇到呢

click 入去行 full screen 應該清楚D呢 ^^

http://www.youtube.com/watch?v=F2Z5bjDaE18