其實呢篇blog想寫好耐...
但依家個社會搞到咁...
真係無乜心機...
我地個家搞到咁, 真係好心痛...
諗都唔諗到, 香港有朝一日會搞成咁...
香港人, 提起精神吧!!!
天佑香港!!
幾日唻食o既野全部寫o係同一篇blog到~
睇返真係會好full~
呢個bali trip~ 我開頭諗, 覺得洗費應該好平~
點知~~ 錯左一半~ 因為搭車會比人亂咁開價~
之後一半~ 寄望食野會平d~ 點知... 又唔算特別平~
去到第一日~ 已經係黃昏~
原本諗住o係resort到食~ 跟住返villa玩水hea下~
點知~ resort o既餐廳比人包起咗開party~~
所以o係毫無準備之下... (無睇旅遊書, 無搵餐廳資料...)
要搭第一程的士出發搵食~~
由villa行出lobby其實唔遠~ 大約4mins路程~
但, 我地咩都無準備... 旅遊書放咗o係villa... (錢當然有跟身~)
所以, 就唯有問resort職員, 問佢地附近有無好o既地道食印尼野餐廳~
之後, 就叫佢地call咗部的士~
佢地同的士司機講目的地~
我地連地點, 餐廳名都唔知~~~
![]()
一去到~ 餐廳佔地都幾大~
而且都係外國人~~
餐廳名"made's warung"
![]()
其實都幾多野食~ 唔止於印尼野~
仲有中日西泰o既野食~~
![]()
都坐得幾闊落~~
![]()
講真呢~~~
睇menu... 我地只係識幾個字...
RICE, NODDLES, CURRRIES, VEGETRIAN...
大部份menu內o既野食都係地方方言... 完全唔識.....
所以捉咗個WAITER唻問...
問佢有咩地道野食~
佢推介咗幾樣~
完全信晒佢~~~ HAHA~~~
呢個係雜菜湯~ 自己亂咁改名~~ HAHA~~~
即係好多雜菜用海鮮湯燴~
不錯的~~ 起碼訊訊都飲晒佢D湯~~~
![]()
沙爹豬肉串燒~~
果然呢~ 當地o既串燒味道同o係香港食野好唔同~
佢又唔會特別辣~ 但多咗地道調味料~~ yummy~~
![]()
乜乜炒河~~ 無記錯好似o係seafood~~
其實個waiter叔叔唔係好識賺我地錢~~
其實佢應該幫我地點d貴價唔飽o既野食~~
佢真係幫我地叫炒粉面飯~~
haha~~ 不過個炒河好味~^^~
![]()
仲有炒飯~~
你以為佢好dry~ 好似咩都無~~
但勁好味~ 特別佢d辣椒醬~~
我仲好掛住佢~~
![]()
![]()
另外點咗2杯野飲~~~
埋單大約hk$250左右~~
平唔算平~ 但貴又唔算貴~~~~
不過~ 呢間餐廳, 我之後睇返旅遊書, 原來有介紹ga~~~
佢推介為正宗印尼菜, 收費合理~~
後記~
記得我地唻果時, 酒店幫我地call咗架的士~
其實呢間餐廳距離resort大約5-6分鐘車程~
估下佢收咗我地幾錢~?
計返成hk$80~
咁回程, 餐廳職員幫我地call咗的士~
估下又幾錢~? 按咪錶計, 大約hk$20~
拿拿拿~! 相同路程~
如果大家唔問, 就咁上車~
收費可以相差4倍~!!!
所以o係bali搭車~ 一定要搵by meter o既taxi ar~~
=========================================
好la~~ 第二朝~~
8點幾已經起身~~~
woo~~ 我好耐未試過呢種生活~~~
12點鐘上床瞓覺~ 朝早8點起身~^^~
原來好爽啊~~~~~
![]()
resort包早餐~^^~
有點期待會係咩型式呢~?
一坐底~
比咗menu我地~~~~
![]()
大約10-11款早餐可以叫~~
仲有鮮果汁/咖啡/茶等野飲~
![]()
其實早餐係以semi-buffet形式~
有飽點~ 生果~ 乳酪~ 等十多款野任拎任食~
![]()
第一日~ 我叫咗個moring tea提神~^^~ haha~ 中式茶壺好搞笑~~
![]()
早餐一定要點印尼式~^^~
又地道d麻~~~
個炒面幾好味~~~~
![]()
訊訊叫咗個類似congee o既泡飯類..... 我麻麻地~~~
![]()
幾日唻o既早餐總類~~~
我地都係主力食印尼野食~~~
個炒飯都好味~~
雖然早餐有d heavy~~
但訊訊食得飽d~ 有氣力游水麻~ haha~~~
![]()
以下呢個係西班牙式o既早餐~~
訊訊一路食一路讚~~
![]()
個蛋好似egg benedict~ 但佢叫係peppers poached egg~
但我試咗小小, 又唔覺有胡椒wor~~
但的確好特別~~~ 個多士都好好味ga~^^~
![]()
跟住又一朝... 訊訊唔知點解會點咗個麥皮...
懷疑佢未瞓醒...
因為佢唔鍾意食ga~~~
![]()
多日o既breakfast review 完~^^~
到其他la~~~~~~
=========================================
都未介紹過resort o既lobby~~
平時等車就係呢到~
叫職員幫我地call blue bird (即按錶收費o既的士公司)~
![]()
![]()
出發食野~~
脆皮豬飯~
呢一餐又係懷疑被呃~~~
bali有好多間食"脆皮豬飯"o既餐廳~
但我地揀咗最近我地o既~~~
taxi大約搭咗10mins la~~
呢間叫做"pak malen"~
都好似好出名~ 除咗旅遊書有講~
我地等車果陣同酒店職員傾計果時, 佢都有同我地講, pak malen好出名, 勁多人等ga~~ 要排隊~~
去到... 勁好彩~~ 咁啱有位~~
叫咗個regular~ 同埋special~~
呢個係regular~~
樣樣都係炸o既~~~ 熱氣ar~~
不過幾香口~~~
![]()
而訊訊呢個special~
其實只係d"炸物"多咗~~
![]()
附送湯一碗~~
d湯o既味... 太多香料, 我唔係太鍾意~~~
其實~ 個豬飯你話佢好唔好味呢...
好味又唔算... 但當然唔會難食~~
![]()
好la~~ 講下所謂o既"懷疑被呃"事件~
睇2014年出版o既旅遊書話, 一碟regular豬飯o既售價係大約hk$17~
咁我地2個人, 到底埋單果時係幾錢呢~?
就係hk$70~
嗯... 即係咁... 眼見其他客人都有寫單o係張枱到 (即好似茶餐廳咁, 你落咗單, 佢整返張手寫單比你, 埋單果時出櫃台比錢~)
呢間pak malen多本地人幫襯~ 人人都有單, 點解我地無單呢~?
咁出去埋單果時, 佢就計咗我地hk$70~
真係R晒頭~ 其實$70都唔算貴~ 但點解佢o既價錢同旅遊書差咁遠...??
訊訊比咗錢就走人~ 無再問點解~~~
但點解.... 我真係好想知點解lor~~~~
所以呢~ 呢間pak malen我唔會推介~~
但佢真係好出名~ 因為好多本地人去~ 我地食完果陣, 大把人排住隊入~~~~
=========================================
想搵浪漫o既candle night dinner~
bali呢到多的是~
只係睇你肯唔肯比錢~~
同朋友傾計~ 因為位朋友都算半個印尼人~ 嫁咗去印尼~
佢都推介我地好多餐廳係海邊~
最大原因, 就梗係浪漫la~
而且, 某d西餐廳o既質素仲好高~~
就好似我地第2晚揀o既呢間 "breeze"
位於seminyak~
距離我地間resort行路大約15mins~ (車程2-3 mins)
今次絕對推介~~~
![]()
可惜, 我地唻到o既時間太晏~
過咗sunset時間~ 如果唔係, 可以望埋日落~ 就perfect la~~~
![]()
眼見所有座位都有一定距離~ 因為地方真係好大~
聽住海浪聲好正ar~~
breeze其實係o係 5星級 samaya 酒店入面~
我地無訂位~ 好彩佢仲有位.... (真係last 2張枱....)
因為本身酒店餐廳一定會留枱比住客先, 所以我地真係好lucky 有位坐~~~
![]()
單單睇相感受唔到果種浪漫情調~
bali夜晚o既溫度大約23-25度~ 加埋吹住海風~
所以好舒服~~
![]()
預咗呢餐可能會貴d~ 所以叫咩食都無乜所謂~
![]()
waiter介紹我地呢個salad~
佢話係攞獎ga~~~
唔好問我咩salad.... 因為我淨係食得出水牛芝士...
其他.... 咩菜咩菜.... 我完全食唔出.....
一.一"
![]()
個菠菜意粉好味ar^^
堅好味~~ 我諗我一個人可以食2碟~~~~
![]()
點都離唔開叫返樣當地o既野食~
鴨咖哩~ 好味啊~^^~
唔識講... 呢種咖哩味, 點都同香港食到o既泰菜咖哩唔一樣~~~
![]()
我問waiter~ 點3樣野夠唔夠飽~?
佢話不如點多客炸薯~
可惜....
敗筆~ 訊訊本身都幾鍾意食薯仔類~ 佢話呢個炸薯唔好味~~~
![]()
最後仲叫咗客dessert~~
唔記得咗係朱古力配香蕉雪糕咁上下o既野~~
![]()
因為係5星級酒店o既餐廳~
所以services好好~ 而且環境好舒服~
野食好味~^^~
埋單hk$800~ (稅收大約26% ar~~~ 好貴啊....)
如果早d唻~ 睇埋個日落~ 就抵d~~~~~
![]()
==============================
其實呢~
呢幾日我同訊訊行得最多o既係supermarket~
唔知大家會唔會好似我咁~
比較鍾意去睇下地道有咩野賣~ 超市係一個好地方~~
住o係seminyak有個好處~
因為多鬼佬~ 所以一定唔會餓死~ 太多餐廳開o係附近~~~
所以第三日~ 我地o係下午時間出動~
去超市附近搵食~~
超市都係位於seminyak~
叫bali deli~
而超市有個附設o既餐廳~
有酒飲~ 有野食~
![]()
![]()
訊訊呢幾日不停曬~~ 黑咗好多~~~
![]()
求其叫咗野飲~~~
呢間餐廳價位幾合理~^^~
可能係3-4點時間, 唔太多人客~~
![]()
d座位都好舒服~ 好啱傾計~~~
![]()
![]()
我叫咗個綜合飯~~
即係咩都有~~
好味~^^~ 食完唔夠喉~
因為d味道本身偏濃~~
![]()
訊訊叫咗個burger~~~
![]()
勁juicy~
而且個包配合咗當地o既醬料~~
好掂~!! 又好好味~^^~
![]()
埋單大約hk$170~
正常o既價位~~
所以話bali食野真係唔可以算特別平~~~~~
是真的~!!!
食完野, 就入返去超市買野~~~
bali deli呢間超市真係主力做鬼佬生意...
因為某d價錢真係"特別貴"~
第三晚我地plan留o係villa到自己玩煮飯仔~~~
呢到提供甜品~
![]()
串串~ stick~ 豬牛羊咩都有~~~
![]()
![]()
你話佢呢間超市又唔算好大間~
但就咩都有~ 而且好多進口商品~
所以會買得好齊全~~
![]()
最後~ 我地買咗~~~
一隻roast chicken~ salad~ 甜品cake~
![]()
串串類~~~
![]()
焗批~
![]()
好彩villa真係咩都齊~
連座地焗爐都有~
所以好快就搞掂~
![]()
基本上都只係加熱就食得~~
haha~~ 太方便~~~~
![]()
![]()
隻雞仲幾好味~~ 好似大約hk$40左右~~
![]()
咁樣埋單整~ 大約hk$120~~
呢餐搞掂~~~ 抵呢~~~~ hee~~~~
==============================
到第4日la~~
呢一日我地包咗半日車~~
大約幾錢呢...???
其實唔係好記得~~
我諗大約包咗佢5個鐘左右~ hk$2xx左右la~~~ ($300內一定搞掂)
![]()
原本無諗住包車~
但個的士司機太R撈, 又主動+HARD SELL~
我見第4日最多地方去~
包車價錢又唔算太離譜~ 就ok la~~~~
而呢一日o既餐廳~
就係位於JIMBARAN(金巴蘭)海邊o既燒烤餐廳~~~
各位如果有意去~
就千萬千萬要留心la~~~~
我地絕對覺得(唔係懷疑), 而係肯定的士司機有收回佣~
因為當我地話要去JIMBARAN o既時候
個司機就介紹比我地知, 果到原本係私人住宅區
但因為沿海, 景色好靚
之後遊客愈來愈多, 果到d住宅改成餐廳
沿住海邊大約有26間餐廳~~
拿拿拿~~ 以上資料, 由個司機提供~
因為我手上2本旅遊書都無特別講解~
正當佢講講下~ 就話, 果到d餐廳間間都一樣 (勿信)
但你地記得揀間位於中間位o既餐廳, 因為個景會正好多 (勿信)
我仲o係到諗緊o既時候, 佢就車咗我地去呢一間餐廳到~
話, 呢間餐廳好多人都話好食, 位置又o係中間, 個景最靚
跟手, 就有waiter幫我地開車門 (我仲未意識到, 原來已經到咗...)
又有人遞welcome drink比我地...
天啊....!! 我地連選擇o既權都無.....
![]()
omg....
眼見米已成炊~
咁都無辦法la~ 唯有叫野食~~
![]()
你地都有眼見~
d海鮮唔係遊水ga~ 而係冰鎮住ga ja~~~
![]()
叫咗個最貴o既2人餐~~
就等食~
咁的確~ 個景係好靚~~~
![]()
我地去到果時大約5:30~~
只係唻咗幾枱客~~
![]()
![]()
飲啤酒~~~
![]()
果下心情係好放鬆~~ 因為真係好舒服~~~~
![]()
services都好好~~
有waiter走過唻幫我地影相~~~
![]()
好la~~ 終於上菜la~~
個set包白飯~ 炒菜~
![]()
魚湯~ 魚湯好味~ 但可唔可以比多幾舊魚肉我呢.....
咪咁孤寒la~~~~
![]()
到主角la~~
好似好勁咁~~~
成盆咁上~~~ 而且燒到好靚ga~~~
![]()
不過....
嗯.....
連食野無乜所謂o既訊訊都有以下評語:
龍蝦d肉梅;
魚肉無味;
蝦勁細隻;
蜆肉好腥;
你話... 好唔好味....
最好味係串串魷魚~~
d蟹就咁燒好難唔好食~~
![]()
不過配上呢個view.... 係好正....
唯一可取之處~
![]()
日落la~^^~ so romantic nei~~~
![]()
如果大家要去JIMBARAN睇海景+日落+食海鮮~
請注意, 千萬唔好聽司機講去某一間餐廳~
因為佢地有回佣收~
同司機講去到果到停車, 你地會揀~
因為某d餐廳收費2人餐大約只係$400左右ga ja~
而我地呢餐, 食咗大約hk$1130~
真係哈哈哈... 唔識講.....
記得先確認咗價錢先~
再睇下佢地d海鮮新唔新鮮~~
至於睇景...
無分中間/靠右/靠左~ 只要你o係海前面~ 個咸蛋黃都只會o係你面前~~
千萬唔好好似我地咁... 比個司機呃ar~~~~~
最終~
食咗咁多餐~
最好味我覺得係breeze o既西餐~
地道野都好食~ 但其實唔算太特別姐~
出發前, 以為佢地會好平~ (的確有d餐廳好平~)
但... 有d都同香港差無幾~~
不過咁~ bali太多西人, 主要又講英文~
有時都覺得自己唔係o係東南亞~
會以為自己o係外國~~
好la~~ 第二篇寫完la~~
仲會有最後一篇~~ 遲d見la~^^~
============================================
感謝tansy 提供以上資料
tansy的網誌: http://tansycheung.blogspot.hk/
============================================
