由於新年期間有一段時間會唔o係hk~
所以... 我真係好好好好努力咁打定幾篇遊記...
要知道... 每篇遊記都係嘔心瀝血咁嘔出唻~
要諗返果時o既行程... 仲要打打打, 最緊要確保所有資料係正確~
講真的, 北海道真係推介比所有情侶~ 不論春夏秋冬每一個季節都係咁分明~
諗下落住雪同身邊愛o既人拖住手行每一步~ 真係甜到漏~ (除非你唔愛佢... haha~)
唻到第二日, 1月17號, 係我o既生日~
訊訊講明無生日禮物~ 都唻咗呢到北海道過生日, 花費不少~
算la算la~
但講個心底話比大家知, 我最想收到o既禮物其實係"花"
yes... 花...
記憶當中, 訊訊送過4次花, 最後一次係求婚果時... 即係... 大大話話都已經係5年前o既事~
點解係花~?
又唔擺得, 又無實際用途...
ER.... 我答唔出...
可能收花收得少, 反而想收花~
不過... 訊訊成日當我講笑...
我不下數次同訊訊講過送花收花... 但佢成日都無咗回事~
反而近年, 送o既禮物都係包包居多...
一.一"
訊訊... 我想收花啊............
好la~ 癈話講完~ 行程開始~
記得第一日落住o既雪只係好輕微~~
落得好溫柔~
但第二日起身, wa..... crazy lor...
又大風... 又大雪...
原本plan咗呢一日去旭川o既動物園, 要拿拿林改行程...
![]()
而且天色麻麻地.... 好暗...
果時, 大約係7點幾...
特別o係北海道要早d起身... 因為4點半太陽落山, 就變得黑晒
再講... 呢到夜生活少好多...
8,9點就變得少人...
唔早d出動... 真係會好蝕...
![]()
前一晚o係lawson (便利店)買咗盒牛奶~
雪印都算係北海道名物ar~~
味道其實又唔算太rich~
p.s. 講起便利店, 包括有lawson, 7-11, family mart, sunkus 等等...
唻到記得要入去睇下, 因為其實有好多北海道限定o既商品~
![]()
lucky us~ 我地9點鐘左右出門~ 已經少雪咗~
![]()
但.... 一分鐘後...
see....
又大雪返....
不過其實幾開心~ 因為真係未試過~~
![]()
由於行程有改, 所以, 就先去慢慢食返個早餐先~~
位於JR 樓上o既stellar place 6樓, 基本上全層係餐廳~
搵咗間cafe坐底, 望住雪景嘆早餐~
我點咗份super高熱量o既.... 見到都驚...
點解可以一個人食晒...
![]()
訊訊點咗hotdog...
我問佢綠色果pat係咩唻...? 佢竟然答我... 佢都唔知.....
一.一"
![]()
![]()
好la~~~
之後可以正式出發la~~~
![]()
← JR站入面好吸引o既面包超人wall~
首先要去買JR pass~
我地計過數, 因為其中5日會周圍去, 如果買散飛, 大約要每人33,000yen左右~
而JR PASS分別提供幾種唔同o既rail pass比我地~
詳情可以睇呢到: (北海道官方JR網站)
http://www2.jrhokkaido.co.jp/global/chinese/railpass/index.html
我地揀咗5日o既特等車票, 每人27,000yen~ (如果買普通車種再平d, 只係19,500yen)
但因為我地會坐得比較遠, 就好似由札幌去函館咁, 大約坐3.5小時, 坐得闊落舒服d, 仲可以瞓返覺好o既~ 咁會好d^^~
![]()
JR pass o係札幌JR西口o既觀光案內所買到~
初頭仲擔心, 同職員溝通有問題~
點知, 佢地o既英文好到不得了, 買完JR PASS, 仲問我地駛唔駛做埋reservation~
very good ar!!!!
可以即場o係到book埋5日o既車票~
咁一唻可以確保有靚位, 仲可以方便睇行程~
![]()
當然, book咗時間, 如果搭唔到, or趕唔到預約o既時間, 只要去每個jr站o既counter取消, 再重新改過就ok la~
不過建議大家最好預約咗先~ 根據經驗, 我地試過即日book, 特等車廂已經無晒位, 變相就要downgrade普通位...
有得坐普通位算好彩... 試過即日改行程... 趕時間, 連普通位都無, 要企位... 企足成粒鐘...
所以大家plan好行程, 就最好預約咗車票先la~~~
職員比咗份列車時間表, 可以睇晒往來北海道o既列車time table~
![]()
好清晰~^^~
![]()
![]()
JR PASS有講明所有條款~~~
![]()
![]()
正式出發小樽~~
原來個JR PASS我地都搞咗差唔多45MINS~
留意AR~ 唔好揀普通車~ 因為站站停~
要揀快速~ 大約30MINS就到達小樽~~
![]()
心情開心~^^~ 因為終於踏出札幌~~~ HAHA~~~
![]()
預先訂好車票~ 就會揀到指定席~ 唔駛坐自由席~~~
![]()
準時開車後~~ WA~~ 風雪更大....
![]()
不過風景優美~ 心情又愉快~~ HOHOHOHO~~~
![]()
![]()
半小時話咁快就到~~~
我地諗住o係南小樽落車~ 一路行
走果時先o係小樽走~ 咁就可以唔駛行回頭路~
![]()
一出車站都有小小迷茫... 因為人唔多, 初初諗住跟住人龍行應該ok, 點知無乜人~
唯有靠自己睇map~~~
![]()
大約行7-8mins~ 就會先到銀之鐘, letao點景點~~~
但行呢條路... 真係好滑...
訊訊跌低咗幾次...
我著住UGG都仲係好滑....
![]()
yeah~~~~ 到la~^^~
好靚好靚~
親身o既感覺... 有點似童話feel~
周邊o既建築物都有種特別"歐洲"o既味道~~~
![]()
加埋雪地~ 更加靚~~~
![]()
要講靚o既建築物, 小樽真係多不勝數~~
![]()
首先行音樂盒館~
一入到去真係唔捨得走~ 唔知去過o既朋友o係咪都好似我咁呢..? haha~~
各式各樣o既音樂盒都應有盡有...
眼到我心花怒放~~~
![]()
上下層都有ga~^^~
![]()
而且燈光暗暗地~ 其實好有情調~~~
![]()
如果有時間, 仲可以親身體驗一下自己造音樂盒~~
![]()
最終.... 我揀完又揀...
其實好多個心水...
但訊訊只係準我買一個... >.<"
揀咗個旋轉木馬o既音樂盒~
音樂就揀咗"世界真係小小小"~
好靚~^^~ 仲有水晶+玻璃鏡~~
![]()
唔捨得走... 比訊訊拖走.....
趕下場~ 去隔離o既銀之鐘~~
![]()
特色~
就係買杯野飲~ (coffee or tea)
有cake送~ 隻杯仲可以比你拎走埋~
而且無限次添飲~
你話~ o係咪好著數呢~~~~~
![]()
我地揀咗hello kitty~
粉紅+紫色~~~
![]()
480yen/杯~ 計返大約hk$38/杯~
有野飲, 有cake食, 我仲添多咗次~ 抵返晒~
![]()
望住靚景~~~~
不過... 因為太多旅行團唻o既關係...
所以其實都幾嘈...
而且無劃分smoking / non-smoking area... 所以煙味四散... 臭呢.....
![]()
訊訊拎住隻粉色kitty... 好怪........
![]()
p.s. 之後發覺銀之鐘o係小樽到有成4-5間分店~ 但d人就全部去晒總店, 如果唔想同人迫, 可以去其他分店~~
之後, 就去咗letao買手信~
係必必必必買ga~~~
![]()
之前o係HK訂過一次~
好味到不得了~
佢地o既double fromage cheese cake真係正到呢~~
不過...
保鮮期只得6-7日~ 所以我地只可以買一底自己食~ 無得帶返hk~~~
![]()
第二好味o既係佢地o既布丁~ 又係入口即化~
可以話係最好味o既牛奶布丁~
![]()
![]()
之後再買咗其他餅類o既手信~~~ 又走人~~~
![]()
記得嗎~?
我買咗袋kitty o既福袋~~
都幾多人問我o係邊到買~
其實就正正面對住"letao" ga ja~~
成座kitty放o係門口~~
初初我都唔知, 以為只係賣精品~
點知行入去先見到~~
![]()
2,000yen o既福袋~~ 佢話放咗超過10,000yen o既kitty產品o係入面~~~
![]()
買完福袋後, 又繼續行~~
北菓樓同埋六花亭都係出晒名o既老字號~~ 唔買唔得~~~
其實呢... 我同訊訊食得幾多...
d手信9成都係送比人....
所以話, 手信o既洗費都佔咗唔少~~ 樣樣都好精美, 唔買又好似對唔住自己~~
![]()
p.s. 如果去六花亭, 購物o既朋友記得上2樓, 因為可以有一杯免費咖啡贈送ga~^^~
行行下, 會見到有檔海鮮檔~
除咗可以即叫即燒, 入面仲好似迷你型街市咁, 有蔬菜 & 海產賣~~
![]()
超大隻扇貝500yen~
![]()
仲叫多咗隻唔知咩貝o既野燒~~ 都係500yen~~
![]()
![]()
![]()
大約等5-6分鐘就上台~~ 鮮到不得了~~~ 正~!
![]()
食完點心又行~~
小樽呢到好多玻璃店~
賣o既都係用玻璃整成o既器皿~
有d仲會變色tim~~~~
不過我同訊訊都無乜興趣~~ haha~~~
![]()
行到小樽運河la~^^~
訊訊寫o既生日快樂~~
![]()
條運河都比雪封住咗一大半~~~
![]()
例牌自拍~^^~
![]()
因為人唔多~
所以仲o係到同訊訊大玩雪戰~ hohohohohoho~~~~~
![]()
肚仔餓la~~
原本諗住去運河o既飯堂入面搵湯咖哩~
點知... 飯堂o係下午3-5點呢段時間係休息~~~~
所以唯有去運河對面食魚生飯~
即係咁~~~ 北海道物產豐富~
任何一間專賣魚生飯o既都會好好味~
只係差別價錢~~
有平有貴~~~
我地去o既呢間, 價錢唔算貴~ (因為眼見札幌有d仲貴~)
![]()
鋪仔細細, 大約只係坐到8-9個座位~~~
![]()
我點o既海膽+蟹腳飯~~ 2500yen~
啖啖肉~ 真係鮮甜到不得了...
只有一種感覺... 舌頭所嚐到o既幸福~~~
![]()
訊訊叫咗個no.1人氣~ (其實即係咩都有~ 大包圍)
2800yen~~
![]()
每人都送咗碗蟹腳面豉湯~~
老闆好好人, 仲同我地講廣東話~~
的確, 大大碗魚生飯, 新鮮足料, 只係二千幾yen~
太美味~^^~
![]()
認住佢la~~~~
o係小樽運河對面~~~
![]()
未到4點~ 個天已經開始黑....
我地都行到7788... 行咗幾粒鐘, 其實都攰~
特別o係戶外行, 零下4-5度... 真係行唔得耐~~
![]()
返去小樽站~~
個景好靚~^^~ 如果可以睇埋太陽落山~ 仲正~~~
![]()
就係咁~ 我地大約o係5點幾返到札幌酒店, 休息一下~~
真係幾攰呢....
好la~^^~ 係時間拆解下kitty福袋有咩~~
2000yen (hk$155)
有19件精品~ 2支筆, 環保袋, 筷子, 襪仔, 銀包, 電話繩, 飯盒 等等...
的確, 如果計佢總價值, 真係會超過 $500~~
haha~ 咁開心~ 即時又諗到同大家玩遊戲, 所以放咗上fanspage到~~~
![]()
抖咗一陣~
又出發~
第一晚行咗狸小路~
呢一晚就行札幌o既薄野~ 都可以話係札幌o既紅燈區~
距離jr站如果步行大約12-15mins~~
因為夜一夜都有好多男女出唻搵食~~~
有點雜....
不過~ 就搵到好野食~~
![]()
呢一晚去食燒肉~~
原本諗緊到底揀"放題燒肉" or 單點...
訊訊話唔鍾意放題唔知邊part打邊part, 可能要試到最尾先知~
所以最終揀咗"炭炭"~
好彩... 好揀錯~
因為真係好味到不不不不不得了~!
![]()
每人叫咗杯野飯先~~
牛舌~
![]()
五花腩~ (講真, 我以前只係鍾意食韓國o既五花腩, 但... 估唔到... 呢到都咁好食~)
![]()
唔記得係邊part, 我地照圖點, 點解... 真係一模一樣...
雪花靚到呢~~
而且... 唔貴wor~ 好似都係600yen左右~~
A5級雪花和牛600YEN有一客~~ 傻咗~~~
最緊要真係好好好好好味~~~~~!!!! main point!!!!
![]()
扇貝好似480YEN JA~ (但平過小樽, 又係大大隻)
![]()
仲有唔知邊part... 又係入口即溶~ 好味到震~~
![]()
又係豚肉~~~
![]()
仲再叫多咗客A5和牛~~~ 太好味~!!
![]()
我o既生日飯~~~
估下幾錢~?
連啤酒飲品, 咁多客肉類, 只係hk$380唔駛~
真係平到笑~~
o係香港, 唔知$380食到d咩呢...??
之後我地行行行~~~
消化能力特強o既我地~~
唔夠2粒鐘又食~~
我都覺得我地真係... 強得濟~~
![]()
旅遊書無介紹, 但我見到佢地煮個湯底都煮到勁猛火, 好似好有料咁~
就入去試下~
我呢個係辣味mix味噌~
唔錯~~ 夠味, 夠濃~~
愈食愈想食~~
![]()
訊訊呢碗係招牌叫咗"炎"~
奶白色o既湯低, 好濃郁, 而且有2種肉~ 訊訊又係一路食一路讚~~~~
![]()
認住個招牌logo~ 食得過~~ (好味過面之時計台多多聲~)
![]()
收穫~ 要知道... 呢4件衫, 無一件係自己ga.........
![]()
至於手信... 好多都o係搭車途中食咗... wakakakakaka~~~
我地到底一日食幾多呢~??
============================================
感謝tansy 提供以上資料
tansy的網誌: http://tansycheung.blogspot.hk/
============================================
