臨時臨急馬屎洲

2008年3月8日天晴有微風，由於昨天上網睇到今日下午4時水退0.7米，所以臨時臨急先開隊去輕輕鬆鬆全綑馬屎洲，我地一行四人嘆過靚茶點心之後，由老點揸車送我地入去三門仔，下車後我地就入村經鹽田仔上山落門樓頸過沙堤出馬屎洲順時針全綑，唔知係唔係之前天氣凍ge關係，沿岸都有好多死魚，條條都起碼四五斤重，由於下午時份已開始水退，起步初段ge西岸以蠔石為主，在石與石之間穿插，一不小心就褲穿腳損，而當到達另一端轉向東面海岸時，更可近賞船灣淡水湖全條由大尾督連接白沙頭長長的堤壩，到這裡的時候已走一半ge路程，馬屎洲ge東岸主要由卵石、礫石及貝殼組成的海灘，而且亦都係一條自然教育徑，沿途豎立有很多介紹各種地質及地貌特徵ge牌，再走多半個鐘我地已經走回沙堤上，由於行程非常輕鬆，所以我地決定再續綑內灣返回三門仔新村去嘆奶茶多士。