(Day 38)2011-03-15
住宿 :不知名住宿
行程 :智利Easter Island
Lonely planet 及網上係咁形容復活節島的:
“復活節島是世界上最與世隔絕的島嶼之一,東距南美大陸有3700公里; 西面離最近有人定居的皮特開恩群島也有2,075公里距離”
尋日行去碼頭時路經一間潛水中心,諗住潛水但講因為當日太大浪唔適合潛水,所以就Book定今早0900,潛入南太平洋。
難得來到南太平洋,又咁與世隔絕既小島,D水質一定好靚。而書中更講係絕佳既潛水景點,咁就一定要”咩樽”落去海底世界睇見識吓勒~ 雖然我唔係潛水愛好者,亦都無牌,但當旅行時遇上靚既潛點,我都一定會”咩樽”探索一下海底世界,更何況現在身處我最愛既南太平洋! 不過當時既女友睇黎又唔多Like… 唔梗要,我自己潛! 我唔想又多一個遺憾呀!
食旅館豐富既早餐時只食一半,因為太飽都不適宜嘛~ 於是自行揸車落碼頭既潛水中心報到,不過教練話今日下潛都不太適合,話水流問題水質不太靚喎… 有D失望Tim…
由於我無牌,呢個係一個體驗潛水。先由教練講解一番,自從第一次大堡礁開始,其後數次分別係其他國家都潛過,所以講解都唔覺陌生,只係review一吓~
之前到過幾個著名潛點潛水,都睇唔到特別既生物。反而有D朋友係岸上望落個海,已經見晒海龜同魔鬼魚啦… 今次潛水終於無咁黑仔啦,見到好多海鰻,同第一次見到海龜呀!!! 共三隻tim~ 佢地停留係水中一舊野咁,你游過去佢都”唔旭”,玩左一陣佢先游走~
由於即興既關係,所以無帶防水袋或即棄相機。復活節島既海底世界,永遠都只在腦海中•••
@0900
尋日在東岸時影既清澈海水~
潛完之後返旅館瞓到中午,鎮上唯一既ATM見唔到有Plus字樣。(當時唔知”Cirrus”都一樣功能) 於是揸車返機場既ATM提款,同用佢既Wifi睇吓香港既新聞先~
下午節目就係行手信市場,Moai有關手信好貴呀! 不過都要買既,分別買左一個”木”同一個”石”既。木既Moai經講價後都要$15000-Peso($250-HKD),而另一個石Moai則要$5000-Peso。揀石Moai時我仔細睇清楚其重量,因為搵資料時有人話買左個係石膏做既,因上到飛機既濕度轉變而出水。
旅館內的共用空間
玻里尼西亞族壁畫
中心大街
手信市場
買完手信又唔夠Cash,又要返機場提款。車已還,要步行… 此時又比人炸型,話做乜剛才唔攞多D錢喎⋯
唯有好唔開心咁自己行,回程時仰望個天,呆呆出神。感覺從太空中望落地球,自己身處係一個太平洋其中一點,最與世隔絕的島嶼上呀! 見無人係附近,仰天長嘯…
於是改變心情,路上欣賞夕陽,光線打落路旁既樹上好靚呀~
晚餐又係食Pizza
不過今次就買返酒店食!