5 山長水遠燒烤記 @ 龍鼓灘海邊 BBQ

朋友見秋風起，咁岩有個朋友就生日，就提議成班人去 BBQ 一齊慶祝下，佢好有心思諗住搵間有特色 D 既燒烤場，等大家有個難忘的回憶，佢見 龍鼓灘海邊燒烤BBQ 有得睇日落、海豚，就大力推薦這間。

琴日放工約左o係輕鐵蝴蝶站集合，再轉 K52 接駁巴士入去，班次都算密，唔洗等好耐就有車，大約30mins 就到總站。由於果時 (約6:30PM) 個天已經黑晒，又冇乜街燈，好難搵到燒烤場，唯有成班人周圍探索。。。好彩搵左陣終於搵到，原來落車後過對面行人路再向右行前少少，會見到左手邊有塊 banner (雖然俾 D 樹遮住)，入面係個停車場，穿入去行前少少會見到 D 燈飾，再向前行經過 天后古廟 直行到盡，轉右就見到 龍鼓灘海邊燒烤BBQ。

唔知係咪因為係星期三呢，成個場都係得幾枱客，哈哈 $100 就可以包起成個場~

員工幫我們開左爐後，大家就去拎野食燒，食物種類唔算特別多，都係一般燒烤場果 D。

見到有蕃薯，正當我打算拎 D 返入燴時，搵泥搵去都搵唔到有錫紙，就去問員工邊邊有，點知原來要錢買，$20 卷。。。再睇真 D，原來呢求好多野都唔包，好似棉花糖、香蒜牛油、燒烤網 + 夾......

個場都幾大，有個舞台、公園仔、獨立麻雀房等，仲有遊戲機玩。

因為我地團購買，所以每人有一隻蠔送。

呢度都有 wifi 提供，但勁耐都連接唔到 IP，可能地方偏遠吧~

因為大家都住得遠，燒到大約10:30PM 就走。本來係為左睇日落同海豚先揀呢間燒烤場，好可惜泥到天都已經黑晒。。。