荃灣。正宗山西刀削麵皇

11月8日(星期日)~話時話..我絕少開post寫外吃粉麵

間中去試新既粉麵檔..其實有影相~不過..簡食無乜特別

唔想特登開post寫一篇~d相主要係其他平台寫食評用既

老闆好like食粉麵..但刀削麵一般~以前係其他店試過唔好食

所以大家對刀削麵ma ma地~早排經過"正宗山西刀削麵皇"

次次都見好多人排隊~之後講左好多次..話搵日去試

終於依日真係去試下! 食店唔大~座位好迫又窄..仲要搭檯

但依然好多人排隊等食一定有原因~食店設有最低消費:$30/位

我地點雙拼套餐..餸料有17款選擇~另配..刀削麵/拉麵/米線/湯年糕

老闆點個"五香牛肉拼紅燒豬手刀削麵"($46)


老闆話五香牛肉好好味+好入味



紅燒豬手燜得好腍身~肉質軟腍..好入味+好惹味



落order前..我先問問阿姐~個湯底係用牛/豬淆製?

佢話用豬~可以安心點個"豬大腸拼滷水雞翼刀削麵"($46)



先試一口熱湯~超濃郁味道..不過食到尾後就覺得有點鹹

豬大腸滷得非常入味..口感軟綿綿~完全唔肥膩亦無異味



滷水雞翼又係滷得好入味~肉質結實



刀削麵..標榜即叫即削~麵條厚薄條條一樣

麵質有咬口帶點煙韌~味道帶點點微鹹麵粉味

整體刀削麵真係好好味~由其餸料入色入味又惹味



套餐配豆漿/咖啡/茶等~凍飲(+$2)..改凍檸樂(可樂檸底)(+$4)

我點熱咖啡(少奶)..老闆要豆漿~豆漿味都幾濃..甜度可以

咖啡一般~個味濃得滯



"口水雞"($45)



隻雞酒味好濃~似用醉雞加麻辣醬

但醬汁味道唔突出~可能酒味蓋過晒

但雞肉好嫩滑~花生新鮮脆口

整體食店環境光猛但好迫好窄..坐得好唔舒服

但食物真係好好味~服務都ok(總消費:$137)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================