2015年暴走台北7日6夜悠閑歎美食之旅day3

今早我們搭車去善導寺站，5號出口

點知一出了出口，就被前面條隊嚇親，但原來龍頭位置更得人驚！估唔到食個早餐都要付出咁多！

我轉了個彎俾大家睇睇，咪以為龍頭在前面啊！

看看排隊示意圖先啦

中間還有一層樓梯的，上到去就係一個foodcourt，分別有幾間食店的

睇下現在氣氛幾咁熱鬧

其實每個人都係黎這間阜杭豆漿，要食有質素的地道早餐 ，當然要等下既

這裡的燒餅係炭燒架

價目表

d職員個個都好忙，所以要想定一陣買咩食物，免得要他們等啦！

我們買了一碗豆漿、一碗咸豆漿、一個飯團、一個油條蛋餅、蔥油餅，埋單$NT177蚊

咸豆漿:味道同我在內地食的有點唔同，這個味道較淡同杰身些，不過油條真係好味道，同小時間食的一樣架

豆漿:我無試，但老婆請都幾濃豆味，但隔渣隔得唔夠好

油條蛋餅:見到都已有點餅，咁大咁厚都幾難入手，不過個餅真係好香，外面有些小脆，油條又夠脆

飯團:這個係我既最愛，這個飯團材料都係用炸菜、肉鬆、油條等等，三個材料都係咁出色，每一啖既口感都係好正，可以講係我食過最好的飯團

蔥油餅:蔥好香，但我已食飽了！

食飽後就出發去龍山寺

這個龍山寺在台灣非常有名的

睇下幾多旅客，特別日本人都很多

香火鼎盛

我們都誠心拜一拜

參觀完又出發下一站，我們慢慢行過去

話咁快就到剝皮寮歷史街區

行了一圈後就行去食午餐

今日在牛店食午餐，門口已有一班人在等位！

這店最貴既麵要成$NT400一碗，唔知值唔值呢？

開放式廚房

等了一陣就有位

裡面環境唔太大，我們要面壁思過hahahaaaaa

又係秘制川醬，加了又係辣辣地囉

我點了滿漢牛肉麵

有牛肚、牛筋、半筋牛肉等等

湯頭很清，帶點藥材味，唔算很濃牛味

加了紅燒汁後，味道豐富了，我覺得好過清湯

 

麵條就很唔錯，有點彈性

牛筋好腍好入味

牛肉切到大大件，食起黎都幾膩

 

老婆點清湯牛肉

店裡會教客人怎食係最好的

豆卜一般般

單據:呢餐食了$NT660

 

跟住出發去西門丁，又係慢慢行過去

途經一間廟，又入去睇睇

 

轉了一圈就走

行經天仁茗茶就買了杯飲品

係咪真架？

老闆推薦913茶王珍珠奶茶

我就覺得一般般，賣到成$NT90蚊咁貴！

終於都到西門丁

我們入去西門紅樓看看

裡面唔算太多野睇

之後我們去了總統府，因為係開放日，點知唔記得帶護照出黎，所以無得入內參觀，激死！只好四周逛下啦

台北市電影主題公園

點知在附近見到小豬

現場超多歌迷啊

之後見到一間海賊王專門店，我即刻入去影下相先

影完相就去了誠品行下

我們在PAUL FRANK專門店見到有特價衫，$NT1000有三件，真係超平啊，即刻掃了六件heehee

之後去了茶番買野飲，因為天氣好悶熱

我們點了布丁抹茶、京都抹茶拿鐵，埋單$NT123蚊

京都抹茶拿鐵:我見到職員用了兩種綠茶粉，有成三匙咁多，所以綠茶味都幾濃，不過有些小澀，但可接受的

行下行下見到這間鴨肉扁，又入去試試，雖然叫鴨肉扁，但我們點了鵝肉食，一碗米粉同一碟例牌鵝肉，埋單$NT350蚊

鵝肉都ok，肉質帶點咬口，又多肉汁

米粉又滑又彈性，黎台灣一定要食米粉^^

老婆又玩人地隻狗！

之後回西門紅樓前的市集

都係賣d創意野

行完西門丁，我們決定回酒店附近逛街，因為西門丁夜市同以前差很遠，完全變晒！

PAUL FRANK主題餐廳

東區地下街係幾長，但完全無野睇！

行過這店見到有些人在等，我好奇一睇，見到d紅豆餅好似幾唔錯

這個係奶油餡的

嘩！d餡多到呢，熱辣辣好軟熟啊，紅豆唔太甜味，但好濃郁

不過呢個奶油味更出色，超好食

 

 

我們在復興sogoB1見到有個賣背包的店，而且還在做特價，原價要三千幾台幣，現在半價只要$NT1500咋

真係平靚正，料又好，老婆好開心

之後去了阿宗麵線

因為這店有得坐有冷氣開放，食得比較舒服

好老實十年前同十年後的阿宗麵線，睇賣相我已看得出變了，因麵線煮得唔夠糊唔夠杰，而且味道唔夠大腸味，失望啊

 

之後在街又見到人龍，我們當然排埋一份啦

 

等我上前睇睇賣乜野先，原來係咸水雞，我從未食過！

 

隔離有檔賣飲品的，第二日先來試

 

足足等了半粒鐘先到，還要雞脾已賣晒，最後點了幾隻雞翼同青瓜一條，老闆會好似手撕雞做法，然後加入大量味粉，我心想食完一定超口渴姐，不過我好飽， 所以俾老婆獨享

呢間奶茶都好多人幫襯

我就飲下茶消消滯

到底好唔好食？會否口渴？day4遊記會開估heehee