旺角。品越越式料理

11月14日(星期六)~上星期六原本想去"芽莊"食越南菜既

店員話walk in要17:30..仲要食得一個鐘~我話唔會幫襯啦

又唔係得佢一間食越南菜~所以依日再搵另一間食過囉

依朝早要等收貨..無出去食早餐~下午上網搵定去邊間食

見"旺角 - 品越越南料理"食評都唔錯~順便book埋檯

反正食完先行街~下午仲有時間..瞓個晏覺先出去呢

* * * * * * * * * *

食店寫係雅蘭酒店..但其實要係山東街上1樓

食店環境好綠化+簡約~空間感都幾足..地方又乾淨

我地安排坐窗口位置~可以望到街景..視野夠廣闊

book檯時問問有無限食時間~係無既..真係非常好!


燈飾裝成花盆~感覺帶點園林feel..有清新感覺



二人檯唔係好大~所以先點2個食物..食完再點

"越式春卷"($48)



炸得金黃..口感又香脆



餡料好足..味道清淡唔膩~伴上醬汁同吃..香口惹味

伴碟仲跟上生菜~另外..仲有醃蘿蔔絲~食完吃點酸..好開胃



"咖哩軟殼蟹"($128)..伴法包($26/4片)

法包有烘過~表層帶微脆..而內層係軟綿綿的



軟殼蟹好好肉地..份量足~炸得夠鬆脆

咖哩醬汁夠濃稠..口感滑溜~但咖哩味較淡..唔夠香



"吞拿魚伴青芒果青木瓜沙律"($85)



吞拿魚伴沙律醬比較提味..無淨食咁單調

另外仲伴上柚肉..新鮮帶甜身



沙律食材新鮮爽脆~醬汁比較偏向甜..唔同泰式帶酸辣味道



"大頭蝦膏高麗菜"($62)



份量好足~蔬菜炒得剛好..唔會過熟過腍

大頭蝦膏味食得到~伴上腰果又多份香口



老闆既"滴漏咖啡"($38)

夜晚我唔會飲咖啡..因為好易瞓唔著~老闆就完全無影響

味道夠香濃~仲有陣陣焦糖甜味~整體食店環境舒服自在

食物都好ok~侍應服務溫文..仲好有禮貌(總消費:$422)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================