11月23日, 自行放榜日子
雖然小齊考小學情況我打算保留 DD 私隱不公開講,
但趁著今日自行放榜 UPDATE 一下, (最多唔講校名)
順道多謝一路為我地打氣o既朋友!!
一路走來, 小齊考小學o既戰況慘烈程度要比我想像中再嚴峻一點...
"莫道你在選擇人, 人亦能選擇你......"
由 6 月開始 o既戰事一場接一場,
我同小齊都是"素人" 參加, 大家都冇乜經驗,
如履薄冰呀...
我絕對係漁翁撒網, 報考超過10間, 多是九龍區,
選校如擇偶, 茫茫人海要兩情相悅不容易呀~
唯有"擴闊圈子", 要人地青睞我地先...
個個都鍾意劉華, 但要劉華鍾意我先得咖!!
去到有個位, 我覺得就算係甘草演員我都要學會欣賞佢演技...
由起初每次面試前均耳提面命一翻, 到後來採取無為而治...由佢自由發揮
時間匆匆到11月, 期間 reject, waiting, 2nd in, offer 都已嚐透,
心情起落變化天天新款, 日日不同...
所幸小齊真係幾乖咖啦 (我覺得),
我覺得佢已經盡左力做好本份,
有 D o野係佢能力範圍之外, 而佢始終係一個5歲o既小朋友咋,
我也不好苛求,
只要有比心機完成就好, 其他交比學校選擇啦
為答謝小齊乖乖面試同面試後肯同我分享面試內容,
不問結果,
我地差唔多次次面試完都去"Fing 錢樂園" 玩返轉~
我諗呢幾個月o黎我地去 fing 錢o既次數多過小齊 0 - 5 歲加埋!!
但真的, 多得同佢去玩返下, 佢到今時今日都仲 keep 到戰意,
唔會話聽到 interview 就驚, 呢方面我覺得我策略得宜,
(雖然 fing 左好多錢...)
到今日自行放榜日, 媽媽我心情比較輕鬆了,
剛剛已收到交左表o既學校o既註冊信,
但由於私人理由, 應該不會註冊了~
考小學到呢一步已經完左大部份啦,
雖然仲有部份學校係未知結果,
但有得揀已經好感動, 無論點我地都會好好面對,
亦十分感謝曾經比機會我地o既學校!
同埋支持我地為我地打氣o既 blog 友!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
