滿心期待黎到新加坡, 出發前老公先話要去Legoland, 好吧 !
就安插一日去Legoland, 要知道去Legoland位於馬來西亞邊境,
去玩要帶定passport證件,
我地都係之前係天宇買定哂套票包來回車程
LEGOLAND S$75 (買來回車票+入場) (每位)
![]()
首先要到某處集合, 我地酒店過去集合點唔算遠,
所以坐的士去, 司機話地點係佢地當地人口中既泰國城, 裡面都係泰國人,
司機好好送到目的地後我就搵下間鋪係邊,
點知呢個所謂泰國城好舊好臭,
真係一早我經過一間賣生肉店既鋪有陣強烈令人作嘔既味道,
我真係作嘔到眼水都標出黎~
最後搵到間鋪原來就係落車位附近 , 早知唔行入去 !
就係呢間星運旅遊先登記再教你行去某個位等巴士
拎左套票資料, 行到去巴士位都等左半小時巴士先到 (我地預早左時間)
9:30am 出發, 連車程、出關、入關, 前後都要兩個半至三小時
大約12:30pm終於到達Legoland門口喇 ! 邊度落車就邊度上車, 所以好方便 !
入到去當然四周遊走下, 其實都係入黎望下d Lego product
全部都係lego砌出黎好得意呀 !
打算行去第一個遊戲位置LEGO® TECHNIC,
點知突然落係豪雨, 係勁大雨, 一定要避係室內,
我地剛好企左係一間賣熱狗店既士多仔, 當然被雨水打到全身濕透
全身濕哂, 大部份機動遊戲又停止, 唯有走到餐廳區
樂園區都唔會有咩好食, 隨便揀左間Asian Deli
落雨大部人都走到餐廳, 人非常多,
食物普通飽肚選擇
望住愛迪生食飯 :)
愛迪生正正是LEGO® Academy, 有d房仔俾小朋友學習砌 Lego
雨落左陣, 我地就行去STARWARS參觀,
裡面都係參觀 LEGO 砌好既實物, 有點無聊
走到 LEGO® Kingdoms , 門口有位偷懶既士兵
黎到Kingdom滿心歡喜以為終於有得玩, 點知.....
係又落豪雨again .... 今次係間store避雨先,
不過鋪頭細細都迫滿避雨的遊客
Dragon king 幾可愛
過山車依舊無得玩, 咁就又行下先~
唯一可以做就只係影相
一粒粒砌上去都幾大工程
Land Of Adventure
我記得我唯一玩過既遊戲 Dino Island , 係坐住隻船,
然後衝落去, 當然會濕身, 所以唯一有得玩就係佢
迷你樂園 Miniland
呢個園區都係影下相多, 不過像真度都幾高架 !
睇返資料呢個園區一共花左三年時間, 超過三千萬件LEGO積木所砌成,
砌左17個國家地區著名地標景點, 栩栩如生小朋友見到一定好開心,
又可以教佢地認識唔同地區既地標, 富有教學意義。
行完一圈出黎就係LEGOLAND HOTEL, 如果帶小朋友黎我會建議住酒店,
因為旁邊仲有個水上樂園, 真係可以玩足哂 ! 等我第時再帶小朋友黎先~
又係睇貨既時候, 我就四圍行行逛逛
天氣好似又好返D, 時間都差唔到要離開喇 !
天公突然放晴, 就去返門口既玩返轉機動遊戲先啦~
PROJECT X過山車 yeah!我最鍾意玩過山車, 玩左圈實在高興,
老公為左唔令我失望, 見仲有小許時間 , 我地快步行到kingdom區,
打算玩轉 The Dragon過山車, 等了又等, 人比較多, 點知差不多排到,
遊戲又突然收到通知快落大雨, 遊戲要暫停, 時間亦不容許我地再等,
唯有再有機會先黎玩啦 !
就係咁就完左呢個Legoland之旅喇,
友人告知我英國既legoland會大好多, 叫我遲下再去~ 呢個太細 !
總有機會再到訪Legoland :)
又坐返兩個幾鍾三個鍾車程後終於返到酒店先沖涼休息一下
大約晚上8:30先落街食晚餐, 其實好餓, 但又好攰~ 哈哈
今餐就係酒店斜對面既 Marché Mövenpick Raffles City
Marché Mövenpick Raffles City
位於： 莱佛士城购物中心
地址： 252 North Bridge Rd, Raffles City Robinsons, 新加坡
電話：+65 6337 9433 營業時間： 08:00–00:00
妹妹介紹我呢間餐廳原本為Vivo city個間, 名一樣,
但食既野有少少唔同, 我地呢邊就係普遍西餐廳,
vivo city個間係有海鮮之類你去選擇點煮, 我都係聽聞, 自己去體驗下 !
我地就選擇近近地酒店樓下既呢間Marché Mövenpick Raffles City
餐廳格調好舒服, 有點型格風
我地忘記自己點左咩菜, 反正全部都好味道, 老公仲點左啤酒乾返晚
即製 Smoked duck breast Pizza 非常好味,
係好似片皮鴨醬汁, 加上鴨胸肉既Pizza, 配上蕃茄芝士, 非常配合 !
仲有小食(左下) Breaded olives with goat cheese -
係橄欖中間加左羊奶芝士, 外面係脆脆係麵包粉再去炸, 非常香水, 送啤酒一流
(右下) Grilled King prawn skewer with grilled zucchini and garlic
烤海蝦配翠玉瓜 仲有d新薯仔同沙律菜伴碟, 美味~ 食完呢餐好滿足呀 !
食飽飽當然要行陣街, Raffles City 大部份店鋪都關門喇~ 我地就行落地庫, 剛好見到supermarket, 不過好似無咩特別野要買, 我地唔太食喇沙麵, 所以都無掃貨~ 哈哈
見到有間蛋糕店 Fruit Paradise cafe賣既 Fruit tart , 眼見就覺得好美味喇~
所以買左兩件banana & strawberry mango 拎返酒店一陣同老公食 :)
行埋旁邊好貴既Raffles Hotel, 樓下原來係餐廳 , 好英式風格,
Raffles Hotel有間 Tiffin Room食afternoon Tea好出名,
特別係scone, 當然食的話要早早預約的
行完返酒店好好享用我地既甜品喇 ! sweet ending ♥
我寫寫下卜先發現自己整既水印打漏左個a字,
singapore 變左singpore , 不過資料不影響的,
我一直都無留意, 太不小心~哈哈
