放工返到屋企最開心見到...
小齊?! 係 ~ 都係...
但我更開心見到小齊做晒功課...yeah! (入門口第一句: 做晒功課未呀?)
如果做晒咁果晚餐飯就可以慢慢食, 食完仲可以落街行下,
或者睇下電視, 做下手工...
否則, 就要 hur hur 聲食飯同拎功課出o黎
所以我真係有d 驚升小學...如果好多功課...
小齊做功課其實就唔算慢, 我睇報導話小二應該 1 分鐘寫 7個,
雖然我冇計時, 但一般小齊都可以 20 - 45 分鐘做晒 3樣,
照計唔算慢, 點解都要等我返屋企都未做完?
因為佢呢排又"重拾" 瞓晏覺呢個習慣啦,
都好o既, 人生可以瞓晏覺o既時間又有幾多年呀?
(我都好鍾意瞓晏覺, 星期日下晝冇o野做我都寧願瞓下~)
小齊可以瞓成 3個鐘咖, 成 5點幾先起身,
加上有 2日下晝要學日文, 冇時間做功課,
一個星期都有一半時間要等我返o黎先做功課
睇住做其實有好有唔好,
唔好處係我覺得浪費左做其他o野o既時間,
如果佢一早做晒d 時間就可以做乜乜乜...
但睇住做呢我就可以了解佢進度, 有冇寫錯筆順,
同埋最重要係執執佢 d 字體, 同佢一齊練習
老師都要求小朋友字體要端正, 筆劃唔啱老師會提點
呢樣我好讚成, 小學要寫好多字, 如果到時先執就會好辛苦,
不如趁而家仲未駛寫好多字時練習好筆順同裝字
中文科我比較注重佢字體, 字唔靚都要整齊
o係 K3 頭呢3個月我花多左時間睇佢同教佢寫中文,
而家睇佢寫字我覺得順眼左, 筆順啱時筆劃數都會啱
學校真係好好, 一個中文字會教寫, 讀, 筆順, 筆劃, 部首, 配詞, 同音字, 相反詞, 造句...
中文底子十分紥實! 呢方面我真係極為欣賞!
而家寫 d 字筆劃都幾多, 我教佢裝字o既竅門,
小齊開始做得好左啦
尋晚返到屋企見佢已經做晒功課, 仲寫得唔錯
果下真係開心晒, 小齊話想o係阿公度留耐d,
"得"啦~
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
