已經 12月但只有秋意,
一D都唔覺凍,
香港o既冬天好似係越o黎越短啦~
(小齊換左冬季校服, 今年穿到 5號啦)
雖然換左冬季校服但真係唔覺凍,
今個星期開始先著埋外套,
之前都係就咁恤衫加裙就算
睇返舊年 12月頭o的相就知, 舊年都凍過今年,
起碼有拎下褸出o黎著, 仲有用下頸巾
今年唔駛講, 冬季衫都未駛拎出o黎,
一件長袖 tee 加外套已經夠晒
天文台都話今年11月熱...
什麼病菌, 流感高峰...d 小朋友疾病防禦意識弱, 真係要小心 ~
好似小齊咁, 有個壞習慣,
就係成日不自覺咁搣唇皮,
我已經見一次話一次話咁樣好易帶細菌入口,
(你知 D 小朋友成日周圍摸, 佢又唔勤洗手)
但佢已經慣左手勢, 一得閒就搣下搣下...
話佢佢又唔鍾意, 咁o既樣望住我~
我都係唔想你病啫!
我已經比左 2 支潤唇膏佢叫佢如果覺得乾就搽,
唔好搣啦 (其實我好驚佢搣損/流血)
但佢好似唔係好聽囉,
已經特登買呢d 特別版潤唇膏希望佢鍾意咖啦
真係唔知點幫佢戒呢個壞習慣,
睇o黎我又要好似之前咁 (見
前文) 諗d 獨門屎橋...
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================