肇慶復活之旅 - 下篇

肇慶復活之旅 - 上篇 講到我地第二晚去食全鹿宴。 2008年3月23日天晴，今日係復活節假期ge第三day，而今日ge行程就係去七星岩，聞說七星岩在億萬年前係形於海底之下，後因地殼變動才上升變成陸地。因為行去七星岩要45分鐘，所以莫太一早幫我地整熱咗d粽，5:45天未光就出發，落到大路ge時候剛好見到有兩部的士，二話不說就跳上車，點知車到去門口先知原來免費入場依味野已經冇咗，結果我地一行七人就七個一排坐喺湖邊食住粽等開門，七星岩準時7:30開門，我地就直奔入去，可能因為太早，吊橋仲未開，貪心ge一眾隊員，為咗慳兩蚊，一個二個係咁爬過去，沿住湖邊行，我地就去到天柱岩ge上山路口，天柱岩係全七星岩最高ge一座 (海拔113米)，我地依山而上，因為今日個天好清，能見度非常高，起碼有二三十公里，沿途可見北嶺，七星岩及肇慶市全景。

(1)好靚ge裹蒸粽。

(2) 依家先係啱啱六點咋......

(11) 有冇攪錯......你地喺度行霸王橋

(12) 七星岩.........

(13)

(14)

(15)

下山後，再玩龍岩洞 (入場費10蚊人仔)，依個洞係一洞二玩，先喺乾洞行個圈 (碧霞洞)，跟住再坐艇遊濕洞 (龍岩洞)，睇吓d鐘乳石，嘩.....真係好靚， 之後我地又用六蚊入咗去一個叫寶光洞景區，點知入咗去先知比人搵笨，個洞係人工開挖出黎，仲要不知所謂，由於大家都非常肚餓，所以我地就喺湖邊搵咗間飯店食午飯，個露天feel一流，d餸菜仲好ok潻，飽滿腸肥之後，我地再行多一陣，因為時間有限，所以決定其餘d岩峰同湖泊留返下次上黎先再玩，而我地依個時候就出去市區按下腳同shopping一吓，跟住先食晚飯，依一餐仲係由莫太請我地食，多謝多謝，之後我地就開車返去，喺花園度玩掘薯仔，其實個花園仲種咗好多其它ge菜 / 花生 / 木瓜 / 蔥蒜 .........，玩完一輪之後，再吃過宵夜，大家就zzzzzZZZZzzzzzzz。

(37)

(38)

(39)

(40)

(41) 碧霞洞。

(49) 龍岩洞 - 水深3米 & 洞內最高38米。

(53)

(54)

(55) 千年詩廊。

(56)

(57)

(58)

(59)

(60) 寶光洞......搵笨呀 !

(67) 五龍亭。

(68)

(69)

(70)

(71)

(72)

(73)

(74) 湖畔露天午餐。

(75) 食飽就再四處行行走走。

(76)

(77)

(78)

(79)

(80)

(81)

(82)

(83)

(84)

(94) 偷薯仔。

(98) 人鵝情未了  - 隻鵝第二日要劏ga !

(99)

(100)

(101)

(102)

2008年3月24日天晴有煙霞，今日係復活節假期ge最後一day，由於我地買唔到肇慶直通火車，又唔想同人一齊迫過關返香港，所以我地早一日叫莫太幫我地搵咗部白牌車車我地返深圳灣 (1200大元)。 一早八點鐘，大家一齊飲過早茶之後，又係時候講拜拜，10:00am正我地再次一行六人登上車，一齊踏上歸家之路，點知行咗唔夠半個鐘，架車因為中咗釘，所以架車要去補呔，攪咗一輪之後，終於正正式式踏上回程之路，因為我地正確ge安排，所以沿途都冇塞過車，用咗三個半鐘頭，未到14:00pm已經返到深圳灣口岸，再過關返屋企。

今日食飽d先好比人食呀。

(106) 門前大合照。

(107) 走啦......下次先再黎啦 !

(108)

(109)

(110) 返深圳部白牌車幾闊落。

(111)

(112)

(113)

(114)

(115) 開心ge時間過得特別快........又係時候講拜拜。