2008年3月9日天晴有微風,今日ge路線係由豬腸粉提供,早上十時我地一行十人從粉嶺火車站出發坐小巴往鹿頸,但行程就比較特別,因為鹿頸這個地方雖然黎過好多好多次,但重來沒有留意到這個高(121m)小小的山崗上卻藏匿著一系列的戰壕、機鎗堡、觀測台、水井等等。相信是日軍佔領香港時所建做,目的是以防盟軍及東江游擊隊向他們作出反擊。不過根據一些鹿頸村民所述,在日佔時期,有部份村民也曾被迫參與建造這些工事。要探遊鹿頸這些戰壕遺址話難唔難,說易也不易。我地入村後就沿山墳覓路上山,此處較為荒蕪而且長滿雜草,最嚇人ge竟然仲有d墳地ge棺材係幢起咗,但我地不消十五分鐘就踏脊上到頂了,但沿途亦不斷提醒大家小心悟墮戰壕,當我地見到第一個被雜草叢包咗一半ge機槍堡時,不知幾興奮,隨後亦發現其餘部份ge戰壕同機槍堡已經被一d有心人士除咗雜草同斬咗係戰壕內ge樹木,而且相當有條理,唯獨在一機槍堡旁發現有新置全方位本土製勁臭地雷 (新鮮屎一督),而我們其中的一位隊員亦不幸地踏中咗地雷,屎得好慘,我地沿著已清理過的戰壕走了差不多一圈(仲有部份未清理),到了水井ge位置時,戰壕亦清理到止,相信清理完畢ge話,係可以走到最初的機槍堡位置 ,(而我們在此亦要高度感謝清理雜草及据樹之神秘義務人士,因為除草工程之偉大及辛苦,真係想像唔到,而最重要係使到依d咁有歷史價值ge遺址唔會被d樹叢覆蓋咗而冇人知,多謝多謝),我地不知不覺已經玩咗成粒鐘有多,於是就從另一山坡工地落山食lunch 啦,依個時候成12:30。
食過lunch後,我地就再入村去睇兩支經村民口中所講係由海盜所建ge清朝大炮,跟住就坐車出去走禾徑山,但係依個時候,炮後ge樹下竟然有個古裝紅衫女子走過,好彩係日光日白,唔係真係比佢嚇鬼死,睇真d,原來佢地喺度拍緊教育電視。
當我地八掛一輪之後,正想走ge時候,老師同豬腸粉又有新發現,在村後ge山坡上,發現咗一條古村ge遺址同路基,而且仲有人做ge引水溪流,大家經過商議後,決定探游這條路線,沿路上又係要不斷剪林而上,而且路基眾多,有部份山墳更被雜草覆蓋到差唔多見唔到,一不小心又就會走錯路或回頭路,再袞d就踏到d舊墳,好彩我地又有豬腸粉兄幫我地探路,而我地亦差不多用了一個鐘才走出迷蹤地域,再步向尤德亭,小休過後,由於時間尚早,小弟就提議不如走捷徑過橋山橋落屏嘉石澗經南涌,再上返山返出去鹿頸,在冇異議ge聲音之下,我地又再踏上征途,由於山澗水量唔多,所以水位不高,非常易走,在澗上一輪嬉戲影相之後,我地終於趕得切天黑前出到南涌。
(57)
(58) 古村遺址 (我地就由依度剷上山啦)
(59)
(60)
(61)
(62)
(63)
(64) 越行越唔係路。
(65)
(66) 也許已經回頭太難。
(67)
(68)
(69)
(70) 尤德亭。
(71)
(72) 背後的小山崗就是今早遊走的軍事區。
(73)
(74) 駁回橋山橋。
(75)
(76)
(77) 屏嘉石澗。
在最後上山的一小段ge過橋位,仲要比數隻大狗喺橋頭度吠我地,依個時候我竟然洗出一招失傳咗好耐ge武林絕學 (猩猩陰狗功.......呀應該係猩猩音波功先真),結果全部都要讓路,而我地亦都安全地經山坳返回鹿頸等小巴出去食晚飯。
~~~~~~~~~~ 完 ~~~~~~~~~~
累積瀏覽 457955
全部攻略 627
全部回應 529