全綑石壁水塘

2007年5月6日天晴，上星期剛剛去完姜山一帶，發覺石壁水塘因為冬季過後水位極低，所以就想去影返d相，由於越行越多好嘢關係，臨時決定全綑水塘，結果原本一個鐘ge行程加長到三個鐘，其實石壁水塘的原址為石壁鄉，該地有四條村莊，它們分別為：石壁大村、墳背村、崗貝村、坑仔村。1950年代，由於香港食水短缺，港英政府決定於石壁鄉興建水塘以解決問題。水塘於1957年開始動工興建，並於1963年完成。另外，當局亦興建了一條連接水塘和香港島的輸水管道。該輸水管道從水塘開始，中間途經周公島，最後連接至香港島摩星嶺沙灣。

我地一行四人中午係梅窩嘆過茶之後就坐車去到石壁落車，再沿引水道行入去，當到盡頭ge時候，一大遍清草地立刻出現在眼前，沿路上亦有不小古村ge遺址，就連廟宇ge地基同前園圍牆都保存得非常之好，當走到最後一小段ge時候，因為太鈄同碎石太多，與我們同行的兩位女士，好不容易才能回到堤壩，最終大家亦非常之滿意今日ge行程，一齊出返去東涌食晚飯。 

我地今日全綑石壁水塘ge路線，如在雨季過後，會全部浸存在水底下，所以每年到此的機會亦只得兩三個月，不過緊記切勿污染水源及亂拋垃圾。

~~~~~~~~~~ 完 ~~~~~~~~~~