今日見到多雲,個FD又放飛機,即刻搭車上大霧山就係博大霧,體驗另一番風味。
因為係元朗,所以搭54到上村轉51(另外一個比較方便方法就係荃灣西或荃灣地鐵站上51,係郊野公園站落車,應該全世界都係呢個站落)
落左車向住呢個方向行一分鐘就到入口。今次因為得一個人,唔直接行晒成段麥理浩徑8段(大帽山至鉛礦坳),只係行少少就落番川龍。
沿車路直上。
唯一補給點同廁所位~大帽山士多。
何謂冰火?就係行緊上山,我個身入面出晒汗,出面勁大風又吹到頭都痛,我頂帽都被吹甩兩次。
成條路上山頂都係平路,今日個景就係睇霧。
自拍一張,無落雨,但成頭,成身,所有野都濕晒。
呢道已經係正常人行正常路去到最高處(大帽山係唔可以去最高處)
之後調番轉落山,過左呢道閘就唔可以俾車上去。
有D唔夠喉見川龍都快又係落山,諗住跑落去,但之後係堅後悔。
沿路會經過青年旅館(認真咁山卡啦搵鬼去咩!)
一開始都係車路,到左青年旅館之後就變樓梯同小路。呢個時候落勁大雨,搞到我係咁跑落山。
前面就係青年旅館。
跑左十幾分鐘終於細雨左,不過D路濕左都唔係易行。
落到底就接番車路。
終於見到個亭可以避下雨,仲見班中童上山諗住露營。
行多兩分里就入左川龍,好好奇點解係個交通不便地方都做到燒烤場生意。
行多十分鐘就到村口,完成今次旅程。走個時可搭小巴80或巴士51落山。
是次行程紀錄。時間:3小時
補送被霧包圍GE大帽山。
注意事項:
1.平日唯一上大帽山交通工具51係一個鐘一班,請係出發前事先開定九巴APPS睇定開出時間
2.大霧時方向難認,如第一次行請行大車路上頂,如不沿路落山,最快出口會去到一個亭,之後左邊有路落梧洞寨瀑布,起碼4小時
如有任何疑問可電郵:chiukit2001@gmail.com或ＰＭ我
FACEBOOK PAGE:https://www.facebook.com/Ckchan_hiker-107756696252987/?ref=hl
Instagram:ckchan_hiker
我唔驚WO,你驚未搵我一齊行......因為我無野比人偷又無色.
