2015年暴走台北7日6夜悠閑歎美食之旅day6

不知不覺已係行程中的第六日了，今日起身就出發去迪化街食早餐

以前黎迪化街既印象很矇糊，只記得係好多賣海味的店鋪，我當時只買了牛蒡茶俾外父做手信

好得意既裝飾物

在迪化街搵美食係好容易既事，通常都比較集中

其中民樂旗魚米粉湯係比較出名，咪睇街邊檔咁普通，想食得地道，就預左唔好介意咁多，而且早餐好多人幫襯，我們坐下就點了湯米粉、炸蚵仔、炸魷魚，埋單$NT$170蚊

湯米粉:米粉就比較弱，唔係用新竹米粉，所以唔太驚喜，湯頭都ok

炸蚵仔:這個反而就美食得多，蚵仔炸得超鬆化，蚵仔又新鮮，配埋甜甜地既辣醬，好美味呢

炸魷魚:魷魚係我至愛，加上厚切有口感，正啊

隔離呢檔臭豆腐又係好多人幫襯，我們又點會錯過呢，阿姨唔該黎一份臭豆腐，埋單$NT55蚊

臭豆腐:雖然形狀唔同港式的，但味道同舊時街邊檔的好接近，最重要係配上豆瓣醬，但如果有甜醬提供就一絕喇

拿！我只係我贊緊d豆腐炸，同後面個靚女無關架heehee

呢間藥房好有氣派喎

這個大稻埕戲苑地下係街市，裡面有幾間人氣食店

睇下近入口這間幾咁多人排隊

只賣油飯一種食品都已咁多人幫襯，可惜我已很飽了！

呢間就賣包既，特別係這間饅頭，不過我唔鐘意食饅頭的！

這店就賣刺身及壽司的

本來都只是影下相，點知俾老婆發現她的至愛

就係這個鰈魚魚邊喇，又厚又大塊，即刻點了兩塊，埋單$NT100

師父用火輕輕燒一燒，d油份即刻滲漏出黎

其實鰈魚魚邊係油份極重的，入口即溶，呢種新鮮度咁油香都係第一次品嘗到，在香港壽司店的通常切到好薄同細塊，所以呢些就食得滿足得多^^

呢間係郵局

我們順住條路一直行落去

行下行下見到有雪新鮮水果雪條店，好多款口味選擇，好奇下入去望下先

我就買了兩支釋迦味同熱情果味道，不過釋迦味道就好淡好淡，熱情果就ok，埋單$NT70蚊

這裡很多有特色的建議物，都代表住唔同時期的轉變

其中呢間賣茶葉的店鋪

行到累，可以坐下都唔錯架

裡面有免費品茶講座，會教學員怎樣泡茶同品嘗，而且有問必答的

呢檔賣果汁的，其中金桔檸檬係主打

連食尚玩家都幫襯過，不過我覺得食尚玩家這節目經常誇大，中伏機會都唔少！

講到咁出名，我們一於買一杯試試，果老闆好純熟的手法，一粒檸檬已渣出咁多汁，台灣水果真係厲害，我試了一口，成個人都震晒，酸到頂唔順啊，好酸好酸啊！埋單$NT35蚊

之後經過雪雪介紹過的水果店

不過價錢就比較貴，但質素有保證既

見到飲品價錢都可接受，可惜剛剛買了杯呢！

老婆見到狗狗又走去摸下！

行下行下見到這間夏樹甜品

這店的杏仁豆腐花好出名的，我們點了杏仁豆腐及杏仁燒，埋單NT$120蚊

豆腐都幾滑滑，杏仁味都幾濃

之後又見到一間地道超人氣店，人稱(永遠都有人排隊的賣麵炎仔)，係咪咁巴閉啊？而且唔止係地鋪，隔離樓梯上去都係

裡面又真係爆座喎

排隊時已睇定要食咩，這店人氣食品係下水湯、白切雞、新鮮內臟等等，我就點了生腸、湯麵、白切雞、湯，埋單NT$350蚊

睇下人多到呢，其中相中間個女人張會叫好多野食，見到都飽啊！

開放式廚房

生腸:睇色澤都知係幾咁新鮮，雖然係白灼，係灼既時間控制得好好，口感爽脆，配上秘製辣醬，好好味呢

白切雞:份量非常足，而且選用土雞，肉質嫩滑，唔怪得差唔多每檯都點啦

原本係想點下水湯的，因係最出名，其實就係肉臟熬出來的湯頭，不過今日已賣完！

湯麵:湯頭比較淡味，而且有點油，因為落了豬油

食飽後，又繼續行街，好彩今日陰陰天，唔會好曬

見到這間慈聖宮，我們就入去睇下，因出面有條小食街

這裡很多食店架，有些還是老店，不過我已好飽了！

都幾多人在用餐

廟宇間間都差唔多

我們在維豐肉鬆買牛肉粒俾阿媽做手信，其實我酒店附近都有間分店

大稻埕碼頭

裡面無咩特別，之後就離開迪化街

我們去了絆- kizuna洋菓子食下午茶

裡面大把位，可以好好休息下

蛋糕賣相都ok

我們點了個雙人套餐，埋單$NT440蚊

美式咖啡:一般般

四紅果茶:老婆話幾香

繽紛水果手指蛋糕捲:其實水果只係襯托蛋糕既美感，反而蛋糕的口感同味道才是最重要，而這蛋糕面層帶點脆脆地，唔錯

蒙布朗蛋糕捲:蛋糕很軟熟，味道很溫和，個曲奇餅都唔錯

單據

食飽後就去了101行下，今晚晚餐都在附近

估唔到連台灣都被法輪功攻占，又係有支持同反對在對示！

ATT 4 FUN商場就係晚餐地點，裡面都有些特色野睇下架

裡面有間龍貓專門店，但有些係香港無的

這架貓車無得入內

特別係這個樹洞裡面訓覺中的龍貓

而且後樓梯還有很多經典插圖觀賞

其中天空之城這幕最經典喇

之後上去四樓就有愛麗絲夢遊仙境主題

裡面主要有些餐廳及童話佈置

而且還定時有愛麗絲激光表演欣賞

睇完表演，就去樓下辛殿麻辣鍋晚餐，我們一早訂定位

點解食這間？因為雪糕選擇比較多囉heehee

點餐紙，選擇唔算很多，但兩個人食已足夠

坐得夠晒舒適

飲品選擇

各款雪糕

醬料

上菜速度好快，而且職員好勤力，不停行黎行去幫客人換碟，呢點香港真係無囉！

我們點的鴛鴦鍋，分別係養生白湯，麻辣紅湯，養生白湯有點似小肥羊味道，不過味道就係淡些小的，麻辣紅湯就算把啦，如果去過重慶或成都，呢些麻辣就完全兩回事，可能要迎合當地人口味啦！

扇貝

私房牛筋

毛肚

凍豆腐

九層塔花枝、鴨肉丸、起司爆濃球

蜆

鮮蚵仔

大白蝦

大白菜

金菇

木耳

以下係不同肉類

蝦滑

鴨血

呢餐食到好飽啊

最後當然要食埋d雪糕啦，好滿足啊

單據

食飽後就返酒店附近Sogo行下

呢間楊記我晚晚都行過，成日都很多人幫襯，今晚我忍唔住，決定要試試

主要都係食麵，我們點了榨菜肉絲麵、綜合大餛飩湯，埋單$NT140

榨菜肉絲麵:榨菜幾脆口，湯頭都ok，起碼食完無口渴

綜合大餛飩湯

雲吞超大粒啊，而且蝦肉好多，d紫菜都係靚貨，真係超抵食啊

返到酒店，沖完涼就飲木瓜奶，呢隻牌子都唔錯

我們特價時段在sogo買了些壽司，而且價錢非常吸引呢

係咪好吸引呢？heehee