荃灣。Munch Now

12月5日(星期六)~天氣突然轉冷..終於似返個冬天lu

一早一晚冰冰地..感覺都幾舒服~加上冰冷空氣好清新

依日足足瞓左11個鐘..超精神! 等埋老闆起身就去飲茶

飲完茶四圍行~行行下..開始落毛毛雨~轉個頭突然落好大雨

大到要買把遮用~行完返屋企..追埋套"虎媽貓爸"又準備食飯

假期d時間過得好快~不過今年d時間過得勁快就真呢

* * * * * * * * * *

早排日本零食店"松板庫"舊址裝修~原來開"Munch Now"餐廳

依日諗住去試下~食店以橙色牆身為主~有d燈飾都未裝置完成

冷氣唔夠..感覺有d焗~除左Set Dinner..仲有廚師推介&散點

廚師推介無記錯係意粉/飯類~因為唔想食..所以無太留意

Set Dinner有12款選擇[ 牛類(6款) / 羊&雞類(各1款) / 豬&魚類(各2款) ] 

白飯/意粉(+$10)..薯條/沙律(+$15)..特飲(+$10)..甜品(+$25)

Set Dinner..跟上"忌廉蘑菇湯(及餐包)"~餐包帶陣陣香草味

口感軟綿+暖笠笠..味道唔錯~餐湯質感幼滑帶蘑菇碎粒

濃稠度適中~蘑菇味好香好突出..奶味唔會過重


老闆既"加拿大T骨牛扒"($198)..另加意粉(+$10)

份量好大..有5成 or 7成熟度選擇~老闆點7成

肉質味道都OK~意粉就比較硬身





另外..仲有燒烤伴菜



我既"燒德國鹹豬手"($133)..另加沙律(+$15)



鹹豬手皮層帶薄脆感~但hea一陣已經好快變腍



肉質切開好鬆散~口感完全唔夠結實..無咬口

味道方面..加左d香料(似肉桂粉)~我鐘意肉桂粉配咖啡/蘋果批

但配肉就覺得ma ma地~味道唔太接受..鹹度可以

整體豬手味道唔太吸引~而且皮層好快變腍~醬汁都一般



伴菜用料普通~番茄帶粉感



仲有翠肉瓜,茄子,薯仔~薯仔唔夠粉糯..有少少爽口

"醃椰菜絲"味道偏鹹



沙律無乜特別感覺~不過不失



餐飲.."凍檸茶 & 熱檸茶"~茶底係濃..但唔夠紅茶香味

整體食物用料普通..味道亦一般

較多新職員..唔太熟手~服務普通(總消費$356)

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================