午餐@Miss Coffee~

之前曾經幫襯過屋企附近的海圖café (請看舊blog), 由於它的生意唔錯, 於是在隔一個舖位的地方開了分店, 就是Miss Coffee~ 這日有時間決定來試吓它的食物, 本來咖啡都想試, 但懷孕期間都係忍一忍口啦~


裝修同海圖的style差不多, 不過第2店的舖面較大, 感覺比較闊落, 而且雖然應該可以坐多啲人, 不過店子內的枱椅不多, 應該都是想製造悠閒感, 不想太擠迫~~


Café的一角~~ 2個人躲在這裡都不錯, 不過我們來到的時候是有人的, 等他們走了才拍的~



這店除了意粉, all day breakfast, egg benedict, 蛋糕等食物, 原來有pizza, 於是就選了一個6吋的Italia pizza (老公本來想買9吋, 可是沒有~)~ 幾乎等了半小時, 終於有得食~ 味道不錯, 批底薄但不乾身, 上面的芝士、茄汁同腸仔都好味, 足料, 加一點沙律菜就中和了飽膩感~ 如果有9吋就好啦, 因為食完都覺得唔夠~~


再等多一段時間, 意粉終於來了~ 可能因為是即叫即煮, 而且同場都有幾枱客, 所以要等耐啲~ 蕃茄汁有少少辣但惹味, 味道幾好~~ 意粉炒得乾身彈牙, 唔錯~~ 腸仔、車厘茄等配料就冇咩特別~ 又係好快就食哂, 如果份量再多一點就好啦~

這次午市幫襯, 原來兩間店都沒有了午市套餐優惠 (定係平日有呢? 可能要平日再來一次看看), 因為以前叫午餐加錢就有咖啡, 依家食物同咖啡都要散點, 感覺貴了少少, 但很多人叫了一杯咖啡就可以坐一個下午, 都明白餐廳改變方針的原因嘅~

不過今次老公食完唔夠飽, 唔想再叫食物驚又要等好耐 (我們計埋坐了1小時有多), 又唔想再叫甜品了, 於是老公去了粥店食碗粥, 我又食了碟腸粉~ 哈~

http://www.openrice.com/zh/hongkong/restaurant/%E5%B1%AF%E9%96%80-miss-coffee/452632?region=0&s=3

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================