0

瘋人風雨尋界石

野孩子 於 2008-04-19 18:58:19 發表  |  累積瀏覽 799

分類:古蹟 ;地區:中環,半山,跑馬地,西環,薄扶林

2008年4月19日大風大雨,今日我地輕鬆遊,尋找七塊維多利亞界石.........(港英政府於1903年正式刊登憲報,頒令界定維多利亞城的範圍,並在西環至現時跑馬地一帶,合共豎立了多塊界石,以標明維多利亞城的邊界範圍,這塊界石高九十八厘米,頂部呈錐形,並刻有「City Boundary 1903」字樣,但現只餘下六塊界石),雖然天文台掛緊三號波.......(浣熊)颱風,但係我同豬腸粉兩條壯丁堅守風雨不改ge習慣,一早係金鐘嘆返個大家樂早餐之後,準時9:00正出發,不過由於個天已經開始落住雨,而我地又要趕住中午13:00返落黎中環飲茶,再加上我地兩個都係較資料去搵個七條界石,所以為咗慳d時間,部份路段會選擇坐車。 我地先坐的士直到曉峰閣再步行到舊山頂道,過咗避雨亭就已看到我地今日要搵ge第一舊界石,跟住再由地利根德里步行轉梅道上接馬己仙峽道15號,另一舊界石遺址亦都搵到啦,但係上走途中,我地兩個把傘已經比d風吹爛咗,我地一路橕住把爛鬼遮一路再返過馬路經配水庫盡頭轉走山路,再下接寶雲道出司徒拔道,而另一舊界石大約座落喺寶雲道與司徒拔道路口相差約兩分鐘路程ge位置,一輪快步加拍攝之後睇吓隻錶,已經係11:15啦,時間越來越緊,我地立即坐19號巴士落黃泥涌道聖保祿小學對面影埋今日第四條界石先趕去國金二期坐3 號專線小巴上克頓道,落車後上行約五百米就見多一塊界石啦,依個時候D雨越來越大,我地好快咁維有又走去坐的士直達薄扶林道睇埋個舊界石先再落返去西寧街公園影埋今日最後ge一舊,之後就行返去巴士總站坐巴士出去中環飲茶,當然我地緊係唔會唔記得影埋東華痘局遺址個碑石啦坐低嘆茶ge時候已經係14:00啦

  

(1) 維多利亞城界石 - 舊山頂道近地利根德里。 


(2)

(3)

(4) 維多利亞城界石 - 馬己仙峽道15號,這一塊據悉於1920年

中期豎立,但已於去年被人拆掉,下落不明

(5)

(6) 維多利亞城界石 - 寶雲道步行徑

(7) 

(8)

(9) 我地把遮冇啦冇啦 !

(10) 辛苦你地啦.............好好休息啦 !

(11) 維多利亞城界石 - 黃泥涌道聖保祿天主教小學對面 

(12)

(13) 維多利亞城界石 - 克頓道近寶珊道。

(14)

(15)維多利亞城界石 - 薄扶林道84號近遊樂

場附近的行人隧道入口。

(16)

(17) 維多利亞城界石 - 西寧街遊樂場內。

(18)

(19) 東華痘局遺址基石。

(20)

(21)

 (22) 四個字可以總括今日ge行程.........全身濕晒。



 參考資料 


*****東華痘局*****


東華痘局的建於1901年11月15日奠基,由當時的香港總督卜力主持安放儀式。奠基石高70厘米,長78厘米,闊58厘米。當時原本作為政府管理的防疫診所。1907年,政府將其交給東華醫院作為防治天花的痘局。東華痘局於1910年正式啟用,並在卑路乍街與域多利道的交界立一拱門,其紀念石匾上刻有:「TUNG WAH SMALLPOX HOSPITAL, A.D. 1910」的英文字樣。東華痘局當時主要以中醫藥治理天花病人以及接種牛痘。隨著天花絕跡,東華痘局於1938年交還政府用作傳染病醫院,至香港重光後被拆卸。拱門及奠基石被移放於附近西寧街的堅尼地城巴士總站現址。


~~~~~~~~~~ 完 ~~~~~~~~~~





鐘意SeeWide的分享,給我們一個Like吧!
  • 攻略日期:N/A
    攻略地點:中環,半山,跑馬地,西環,薄扶林
  • 攻略時間:N/A
    是次消費:N/A
0人比"掂"

最多能輸入300字

累積瀏覽 454665

全部攻略 627

全部回應 529