秋冬嘅天氣，令我哋假日瞓到懶洋洋，由溫暖嘅陽光喚醒我，開始充實嘅一天，對於foodie嚟講，梗係要食個豐富嘅午餐啦！有邊樣好得過海鮮拼盤，睇過朋友分享相片，見一大盤，生蠔都好新鮮，執好屋就落嚟食午餐啦。

嚟到餐廳都有一半人位置坐滿，有三五成群嘅朋友慶祝生日、亦有休閑嘅兩夫婦食完午餐好舒服咁坐喺度睇雜誌，餐廳有好多木嘅裝置，令到餐廳嘅氣氛都好和諧，我哋安排到坐中間嘅位置都幾寬躺。



餐枱上有整齊嘅餐具、橄欖油及黑醋等待着我們，坐好後店員就送上暖水，有一籃香草麵包，一邊食麵包一邊睇住Menu，Weekend Oyster Set價錢由$298/1位，有湯/沙律+海鮮盤+主菜+甜品，亦有簡單午餐價錢由$108-138，方便選擇。

各選了沙律及南瓜湯，有多姿多彩的蔬菜，南瓜湯又好暖胃，期待海鮮拼盤的出現
餐廳環境寧靜，播放着輕快音樂，靜靜的好讓食客可以傾吓計，放鬆假日心情。





店員就介紹今日嘅生蠔好新鮮，我哋就點一客Weekend Oyster Set，呢份係兩位用的，單睇海鮮盤超抵食!! 生蠔嚟自四個產地，美國、南非、西班牙及法國，各有千秋。



嚟至南非的肉質嘅顏色比較粉嫩，形狀收長睇得到已經有分別，另外經常都聽到生蠔會有好Creamy 嘅感覺，喺呢度終於食得出！Creamy嘅口感就好似食咗一大啖蝦膏落口，味道濃郁，不停徘徊係口腔內。

第三隻係嚟自西班牙的足足有我隻手掌心咁大，海水味柔和不會好濃烈，而具彈性口感爽豐富，當你咀嚼到它的帶子位時，同時感覺到清甜

口腔中出現富層次感的蠔味後，有阿根廷紅蝦、北海道帶子、法國海螺及美國櫻花石蛤，帶來各種鮮甜味道，特別帶子特別濃味〜 石蛤爽甜加些檸檬汁令味道更鮮明





Main Course 仲有 Pizza、烤雞腿、炭烤牛排等等者好豐富，我就揀咗香煎三文魚，配菜嘅薯蓉西蘭花等，三文魚煎到表面帶點脆身，切落裏面仲好粉嫩，唔會過熟，油脂都滲入嚟，入口時保持住濕潤，好美味！



店員會留意住我哋食嘢嘅速度，會好快捷幫忙收拾枱面上用完嘅餐具，到食都食完主菜，就為我們送上餐飲，我都係飲紅茶加奶，茶嘅澀味可幫助消化，之後繼續食甜品 哈哈

今日嘅甜品係焦糖香蕉蛋糕，甜品份量不太大，為食客最後留一點甜，蛋糕表面是鮮忌廉，中間夾著新鮮香蕉，最底有焦糖及餅底，焦糖嘅份量唔算多，薄薄一層調味已好足夠唔會太甜，另外剛熟透嘅香蕉配新鮮凍忌廉真是不錯。



平均消費 $330/位，一個假日午餐(有湯/沙律+海鮮盤+主菜+甜品+飮品）＋包加一
極力推介 ：Ｄ

The Oyster House
星期一至日: 12:00-23:00
灣仔謝斐道154號地下C號舖
Tel: 2511 1212

============================================

感謝 mohkc 提供以上資料

mohkc 的網誌: http://www.openrice.com/zh/gourmet/reviews.htm?userid=717759&city=hongkong

============================================