呢排我地密密出遊,
尋日又用左半日時間預備, 半日時間o黎個本地遊 picnic
今次o既目的地係我地一家人投票選出,
有大草地o既 -- 深涌
都係o係馬料水渡輪碼頭上船,
我地坐尾班船 (3點)去, 尾班船 (6點)返
深涌係第一站, 半個鐘船程左右, 假日盛惠 28蚊, 大小同價
我地揸車去碼頭, 可以泊科學園, 但要預返時間行去碼頭 (辛苦晒2位司機)
我地o係碼頭要等半個鐘先有船
等船期間小朋友睇人釣魚, 又睇魚...
3點呢班船冇乜人, 我地坐得好鬆動
半個鐘船話咁快就到, 深涌得我地一家人落船咋!
bye bye, 6 點記得要o黎接我地呀 ~ ~
唔係唔知點走...
(其實深涌有路行返去西貢o既, 但行2個鐘囉,
我地10人1狗一定行到拉晒車)
阿姨之前o黎過, 今次做响導,
但沿路指示都好清楚, 就算第一次o黎都唔驚行錯
沿海小路
景色唔錯
行到小路盡頭豁然開朗~
放眼望係大大片草地
仲有個湖...土地平曠，屋舍儼然
好"桃花源" feel 啫~
敗家媽媽已經愛上呢個地方
超級大草地!! o係香港真難得!
仲要冇乜人 ~ ~ 更難得!!
大家o係草地上鋪好地墊野餐,
成個草地好似得我地咁!!
(近山果邊先有d 人露營)
今次o既食物全部都係婆婆整, 辛苦晒~
席地而坐, 大家都係咁食...
除左 Pubby ...有得睇冇得食....你睇佢個樣幾可憐
唔緊要啦, 小朋友們食飽左咪同你玩囉~
草地範圍好大, 仲有牛牛~
佢地o係度搵怕醜草, 係咁掂o黎玩
湖另一邊有個茶座, 阿姨話有餐蛋麵食~
佢上次o黎有幫襯
深涌真係唔錯, 有山有水有草地, 儼如世外桃園
我地只停留 2個鐘多 d, 係一段好享受o既放空時間
期待下次有機會再o黎!
會認真研究下次o黎露營o既可能性!!
是日靚衫: Kenzo Kids, Paul Smith Junior, Zara Kids, H&M Kids
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
深涌
G-fit
北潭涌郊遊徑
菠蘿園
菠蘿園
怡庭 露營營地
破邊洲
東龍洲 露營營地