週未赤柱遊@港版德國聖誕市集

12/12 在剛過去的週未同朋友們去了赤柱的 " 港版德國聖誕市集 " ,

今次活動是領展邀請德國駐香港總領事館及德國商會合辦的 ,

其實廣場內分德國專區及本地產品約有80個攤檔 ,

當中有20檔是售賣德國傳統禮品及特色食品 ,

而另外60檔則是售賣本地產品

廣場有多個1.8米高的胡桃夾子人偶可供大家拍合照

第一站緊係去德國村專區啦 !  ( 下午三點前人流都未算好多 )

德國傳統的胡桃夾子木偶又真係幾靚嘅 !

在德國專區售賣的我估應該是德國酒吧 !

現凡於12月1至20日於赤柱廣場消費滿600港元或以上 ,

就可以憑最多兩張發票於活動當日換領聖誕限定紀念杯乙隻及

免費享用傳統熱紅酒 (約200毫升) 乙杯  ( 隻杯都幾靚架 ! )

(V4) 舖是售賣童裝的

檔主好靚女仲好好笑容添 !

我覺得佢啲冷帽都幾靚架 !  ( 可惜我未必啱戴 )

童裝隔離就是德國人手製造的木製`禮品

從網上得知這些原來是德國獨有的聖誕金字塔 ,

而金字塔頂部的扇葉是利用蠟燭的熱力而令佢轉動 ,

木製的聖誕金字塔真係好靚而且手工亦好精細 ,

搞到我都好想擁有一個添 ! ^^

這些亦是德國出名的木製音樂盒及擺設的精品

我最鐘意緊係聖誕老人啦 !  ( 真係好精美呀 ! ^^ )

德國人的傳統聖誕餅食大家有興趣試嗎 ?

嘩 ! 好多德國啤酒呀 !

當中亦不乏有手工啤酒大家如果有興趣不防買來一試

原來 " King Ludwig Beerhall " 都在德國專區設了攤檔

當日提供了三款食品

我哋連午餐都未食緊係三款都試晒啦 !

" Sweet Beef Burger with Raclette cheese "

瑞士牛肉漢堡配暖曬瑞士芝士

在這種環境下我又要破戒喇 !

當朋友切開時大家都覺得個牛肉漢堡扒有點生 ,

但食入口時加埋熱溶芝士又出奇的好吃 ,

這款Burger是必吃的推介 yum ! yum ! ^^

" BBQ Pulled Pork Toast Sandwich "

慢燒手撕德國豬肉漢堡

這款 Sandwich 雖然朋友覺得手撕豬有點乾 ,

但我就覺得手撕德國豬加埋個醬汁都算幾好食

" Raclette with Potatoes, Gherkins and Pearl Onions "

暖曬瑞士芝士配烚薯仔 , 酸瓜及珍珠洋蔥

我平時是不會吃洋蔥的朋友 M 是知道的 ,

但今次她極力地要求我試這個珍珠洋蔥 ,

咦 ! 啲珍珠洋蔥原來是醃製過的又幾食喎 !

酸瓜更是我同朋友 M 的至愛 ^^

當日我試了黑啤都 ok 喎 !

估唔到杯啤咁大杯最後當然飲唔晒啦 ! ^^

呢杯就是德國傳統熱紅酒 " Mulled wine "

熱紅酒的主要材料是 : 肉桂 , 丁香 , 八角 , 橙皮或檸檬皮等 ,

這款熱紅酒令我一試便愛上真係好好飲呀 !

趁朋友去買嘢食又影下別檔的胡桃夾子木偶先 ^^

" Meatballs "

朋友 L 去了 " Berliner " 的攤檔買了這三款食品 ,

呢個肉丸太腍身無乜咬口又無乜味道真係唔多好食 >.<

" Numberger Sausage "

德國的香腸其實款款都是咁好吃的 yum ! yum !

" Smoked Cheese Krainer "

這款芝士腸更加惹味可口 "正" 呀 !

朋友買了三款食物所以就有三個薯蓉 ,

剛好是一人一個的可惜我已經實在太飽食唔晒 ,

朋友 L 最後話幫我清埋佢 ^^

食飽飽就繼續向另外60個本地產品的攤檔出發

第一站朋友們就有收獲了

朋友 L 買了一個大蠟蠋 , 而朋友 M 就買了一個小蠟蠋

見到熊仔我就自自然然咁行咗埋去原來你是賣香腸的 ^^

這檔是賣聖誕 cup cake 的

之後又路經一檔小手作佢啲作品好吸引呀 !

於是就停下腳步來慢慢睇慢慢影 ^^

手製的聖誕老人碟都幾靚架 !

但我最終只買了一隻貓碟

呢套貓杯同貓碟好可愛呀 !

還有各款香燻座或浴室用品

Wow.................雪人香燻座既可愛又應節

靚靚的聖誕掛飾

可愛的老鼠仔香燻座

還有可愛的天使香燻座

這檔 " 木 . 製 . 袋 " 都幾特別喎 !

呢啲天使公仔同聖誕樹掛飾又靚又特別

見到 " Christmas Cookie House " 都幾靚仔 ,

所以就走埋去影張相先 ^^

野生天然  瑞士自家製 - 蘑菇 , 黑野菇

即場有得試食個黑野菇嘅菇味都幾香 ,

所以又買咗喇 !  ( 佢仲有食譜教你點煮添 ! )

當日在不同時段不同地方都會有聖誕老人的出沒同大家影合照

當日天色不太好所以好早就開咗燈喇 !  ( 好似開咗燈靚啲 ^^ )

我都唔執輸一於同胡桃夾子人偶合照下先 ^^

行完一round又返回德國村路過這間小店 ,

諗住影下啲胡桃夾子木偶點知俾檔主叫住 : 記得影埋間舖呀 !

好 ! 好 ! 好 ! 我應承妳大家記得去 (V16) 舖睇下喇 !

一排的胡桃夾子士兵又真係幾靚嘅 !

店主仲話當中可能有些是特別版的 ,

剛剛就被人買走了一個吹奏樂器的胡桃夾子士兵 ,

之後就比我在路上遇到一個女孩她手上正好持有那個胡桃夾子士兵 ,

雖然只是望到一眼但真係好靚 , 如果有機會再見到一定會買 ^^

還有聖誕屋同聖誕樹都好靚

咁樣擺件又幾好喎 !

多謝女店主的協助我才可以影到一幅咁靚嘅相

德國的聖誕曲原來個鐵盒是會着燈的

原來在夜晚會打出雪花的燈影好靚呀 !

咦 !  " Chez Patrick Deli " 都有擺攤檔喎 !

而且仲有 " Mulled Wine " 緊係要買來一試啦 !

這店的 mulled wine 甜甜的略帶薑味好易入口好好飲 ,

個人感覺有點似飲緊檸樂煲薑 ^^

這棵聖誕樹好靚靚 , 所以有好多人企埋去影相 ,

好難得先拍到一張無人的照片 ^^

樹身除了掛滿了聖誕裝飾外原來還薑餅人呀 !

七點幾行完市集就搭車落銅鑼灣食晚飯 ,

當晚都有好多人等巴士離開赤柱 ,

幸好我哋好快就有車喇 !

朋友話想食日式定食找了很久才找到 " 大戶屋 "

" 迷你自家製豆腐 "

佢嘅豆味真係超香濃 "正" 呀 !

" 柚子味噌花魚定食 "

朋友話當日食得太多肉所以就試吓呢個花魚定食 ,

我當然有試啦 ! 不過個魚好似有點乾

我就食 " 大戶屋特製銀鱈魚西京燒定食 "

銀雪魚當然好吃不過唔知點解當晚的銀雪魚咁多骨嘅 ?

食完晚飯我哋還去了 city'super 的 Cha Cha 食雪糕 ,

職員極力推介這個 " X'mas Tree Soft Cream " ,

咁有賣點我一定會試最後大家都揀了這款雪糕 ^^

" 聖誕節限定大判燒 "

大判燒個造型都好靚仔好吸引呀 !

希望有機會再食埋佢啦 !

擺得咁靚仔影番張相先 ^^

" X'mas Tree Soft Cream "

彩色繽紛聖誕樹 - 北海道牛奶軟雪糕 , 日本彩虹脆米 , 黃豆粉芝蕨餅

成杯雪糕都好好味加上聖誕樹的造型就更加吸引 ^^

這是我的敗物 - 可愛嘅手製貓貓碟  ( 是諗住送給朋友的 ^^ )

Cinnamon (肉桂) , Cloves (丁香) , Star anise (八角) & Vanilla Stick

試完熱紅酒後最終都係忍唔住買咗用來煮 " Mulled Wine " 嘅香料包回家 ,

原用這些香料 + 一枝紅酒煮十五分鐘就 ok 喇 !

煮好後再加埋糖 , 橙皮或檸檬皮就可以飲到暖暖的熱紅酒飲 ^^

" 野生天然  瑞士自家製 - 黑野菇 "

咁好味一定要敗回來

除了敗物當日還收到朋友從韓國帶回來可愛的聖誕禮 "襪 " ,

朋友真係好有心思用襪子包裹住一枝潤唇膏 ^^

德國聖誕市集還有兩天 19及20日 (星期六及日) ,

大家如果有興就要好好珍惜最後機會喇 !

赤柱廣場聖誕海濱市集

日期 : 12月12, 13, 19及20日 (星期六及日)

時間 : 中午12時至下午8時

地點 : 領展赤柱廣場天幕廣場聖誕海濱市集

及德國村專區