我有一個習慣，
就是每次去完旅行，回到家嘅時候，其他人都會將行李喼內嘅物品提出執拾好，就只剩下我的行李喼完風不動，當要用到裏面嘅物品先會拎出來，想保存旅行嘅回憶係裹面，例如有火車票、博物館地圖、拾到嘅樹葉我都唔想掉到垃圾桶， 因為怕回憶會消失，就唯有留住係行李喼。

而今日雨紛紛，
由扶手電梯走上嚟很快就到，又可躲避雨水不會讓身體着涼，在路上五光十色的招牌，好似拒絕晚上的來臨，但光得有點刺眼，我哋嚟到蘇豪區嘅Check-In Taipei，入口由黑色幾何三角形組成圍繞着，旁邊有賣珍珠奶茶的小窗口，方便路上嘅遊人，走入店內燈光比較昏暗以暖色為主，一面是酒吧枱，另一面有多張四人枱。

Mochi Yaki $118
今天雖然不是Happy Friday或假日，但已踏入我最愛的12月，也要慶祝一下，懷着喝不醉嘅心情，嘗盡店家調酒師由台灣帶來的味道。喺食物準備嘅時候，我已經急不及待點第一杯cocktail，Moahi Yaki 就用上兩種不同的綠茶粉，另味道更豐富味道，嚐到酒嘅味道都唔算濃，感覺甜甜的有種回甘，旁邊還有糯米串燒，經燒焦過帶點金黃色，味道亦很香口，配搭一起享用可一解酒嘅醉意。

Special set menu $788 /2位
頭盤 炸雞窩夫、脆皮豬腳、乒乓球
用水泥板盛住三小件頭盤小食，炸雞窩夫、脆皮豬腳、紫薯波波，十分精緻，先吃一口炸雞窩夫試試，外面很脆身，咁裏面嫩滑的口感形成對比，雞肉中嘅油脂湧出來，配合酸甜蘋果蓉，可解除經炸過嘅味道，酸甜開胃更加相得益彰。另外乒乓球就是紫薯波波，加人糯米後形成小丸子，咬落嚟很嚼勁，係乒乓球上面亦有芝士絲好似雪花般，更加咸香味。

熱盤
甜酸魚、五花腩、避風塘魷魚
一邊飲住店家台式cocktail，一邊食精緻小食，真是非一般嘅感受，嚟到第二道熱盤，甜酸魚、五花腩、避風塘魷魚，甜酸魚的美味與其話係魚本身，不如講吓料理上面花嘅功夫，慢火令醬汁同魚肉完全唔可以分開，味道突出混和一起，又可保持嫩滑，避風塘魷魚嘅薄脆包住白色鮮魷魚，唔會過熟容易咬開，幾款炸物嘅油益味都唔重，廚師功不可沒。

Ma-Poo Tofu Noodle
麻婆豆腐之所以咁吸引我，主因惹味嘅醬汁，加上豬肉豆腐嘅配搭唔會太寡，亦可以從餸多幾碗飯，今次店家就讓食客餸多幾碗麵啦！麻婆豆腐麵用小鍋送上，打開時香氣濃郁，麵條又唔會太硬，令味道滲入更好食。不知為何令我印象深刻，突然想起一種懷舊的味道，有次跟閨密到台灣旅遊，遇到傾盆大雨天氣很壞，而我哋當時住嘅地方冇太多選擇，只好係便利店買了一些即食碗麵，到房間開餐，我當時就揀咗麻婆豆腐麵，麻辣嘅醬汁溫暖我嘅身體，好讓我早些入睡，到第二朝天氣好轉，我哋又可繼續行程，令每次食麻婆豆腐回憶都會再次遲浮出！

101 Fireworks $ 118
將近台灣除夕倒數，101大廈成為市民游客矚目嘅熱門倒數景觀，最佳觀賞去處有象山、彩虹河濱公園、松壽公園等等，想到呢到都想去台北襯下熱鬧氣氛，但店家景然安排到101煙花場面，係食客面前表演，101大廈由菠蘿串燒砌出，都有幾分似樣，用酒點起火到落去燃燒著，非常有特色，先飲咗一少杯酒精，經揮發後剩下甜味，下面有伯爵茶中和一下！

Creme Brulee
燉蛋好幼滑溜，蛋味香濃，聽聞店家嘅大廚之前係米之蓮餐廳工作過，就帶了Creme Brulee嘅食譜嚟，做出與別不同的焦糖燉蛋，甜度對我嚟講咁唔算好高，每次用匙羹整碎焦糖薄脆，令耳仔都感受到焦糖嘅誘惑，放落口有強烈嘅對比，令我哋回味到此。

Tiramisù
女生們總喺心大心細，食多份甜品，又想點多杯cocktail 嘿嘿，有冰係下面保溫，靚得好似雪球咁，又可keep住凍冰冰嘅效果，可以用手指餅攪拌一下，令酒精吸收入去味道豐富，飲完幾杯cocktail後確實帶點醉意，飲到呢杯Tiramisù中有點咖啡，我回神過來，今晚每道菜餚都令人印象深刻，食物及飲品兩者都做得很出色，到蘭桂坊想找個地方傾吓計，又對品嚐cocktail有興趣嘅朋友可以來check in 喔！

Check-In Taipei
星期一至四: 12:00-23:00
星期五: 12:00-01:00
星期六: 14:30-01:00
星期日休息
中環荷李活道27號地下
Tel: 2351 2622

============================================

感謝 mohkc 提供以上資料

mohkc 的網誌: http://www.openrice.com/zh/gourmet/reviews.htm?userid=717759&city=hongkong

============================================