今次呢間餐廳主要食烤雞，雞不是以油炸食得健康。餐廳地方蠻大，裝修方面用上木色及綠色植物配襯，加埋暖色燈光令整體地方有溫暖感覺，環境舒服。

今次試下menu內新口味，蜜糖咖哩烤雞 $168，Honey + curry 外脆內軟

雞皮烤得薄脆，肉質紮實保持嫩滑有肉汁，平時不太愛雞皮的我都食到停唔到口。（熱騰騰好正）

調味方面很讚咖哩與蜜糖控制得好，兩者不會太搶味，蜜糖甜甜地加少少咖哩香，推介！

至於呢個海鮮鍋巴湯 $190 就令人失望了，鍋物海鮮有青口、魷魚、蝦，海鮮份量少之外，鮮味亦欠缺，反而鍋內有大量洋蔥、彩椒、菇菌類。

湯底偏厚身 （湯底質地似茨汁= =）

再加上海鮮唔多，鍋物似雜菜多過海鮮湯。

講番呢到個飲品先，太誘人了，成為今晚的亮點，眼見枱枱都有杯，飲品籃色好靚，令人諗起海洋 ，很有新意，藍色汽水西柚味酸酸地。（人人都起到影相，韓國人真是有theme）

新鮮薄荷葉好fresh加青檸，味道清新，唔鍾意太甜的朋友會鍾意。

天氣開始凍，如果店內有熱飲供應就更好，宜家只有凍飲供應呢⋯⋯

============================================

感謝 Yan_PIG 提供以上資料

Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong

============================================