試食活動

 

相當抵食，一個價錢有齊晒韓燒、蛋拌生牛肉、石鍋飯、炒年糕、湯品鍋任食... 


兩個鐘時間任食即刻開始！由幾款不同的韓式前菜打開序幕

今日人流不多，坐得好舒服，點完菜好快到。

第一樣我要食燒肉，好鍾意「皇室牛排骨」醬汁甜甜的,肉質又滑又鬆化 ，醬汁調味岩岩好唔會蓋過牛肉味。




另外「牛頸肉」肉味香濃，有咬口。





用生菜包著燒牛肉 、泡菜、蒜片一齊食好夾（泡菜前菜&生菜等等都有得refill）

燒左好多牛肉，食番d海鮮先「帶子」「蒜蓉紐西蘭青口」鮮味十足，特別推介青口，又甜又大隻。








呢到下單方式不是用點餐紙呢，是向店員直接下單，感覺份外環保，值得一讚。


「鹽燒什錦拼盤 （牛助骨、肉眼扒有口感、牛脷厚薄適中、五花腩油脂位燒得爽口，肉質有甜味）」簡單既鹽燒已經覺得正～ 一片五花腩配一片泡菜食，好好味架！

熟食種類非常多呢，唯有挑選最想食的「紅炆牛助骨 」超入味 ，輕易可以肉骨分離 ，炆完既蘿白別錯過，精華所在，又林又入味。

Encore item「人蔘雞湯 」湯色清徹口感綿綿，不肥膩，無味精，人蔘回甘味出，推薦。





想不到連蒙古「羊肉」都會有，加入了洋蔥醃料，羊的膻味減少了，羊肉切得有點少，燒的時候比較難控制。




感到有驚喜的一餐，食物種類相當豐富，整體水準中上，熟食方面即叫即整。位於尖沙咀這個地段，2百幾一位可以食到咁多款韓式菜，確實抵食，值得推介！ 打電話訂位會有9折

============================================

感謝 Yan_PIG 提供以上資料

Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong

============================================