8 尖沙咀區網燒任食首選 燒牛肉好正!!!

鍾情網燒，食量比較大的我，任點任食比較適合同化算啦：）

選了星期日, 最早的時段18:00-20:00 ，價位$258加一

以前去開紅磡有間任食燒肉，可惜結業了～ 

論種類，樣樣有「牛、豚、雞、海鮮、蔬菜」

主打燒肉的放題，有埋刺身壽司，特別鍾意劍魚腩同三文魚刺身，呢到大甜蝦味道唔夠鮮味 ，食左一轉無再encore~





今日重點部分，絕對是「牛」呢！

當中「熊本一口和牛」厚方粒狀，脂肪分佈多，入口肥嫩林滑，推介！「薄切牛舌、厚切牛舌」組織豐富，味道濃郁，個人幾鍾意牛舌口感爽脆。「安格斯一口牛」肉味最濃郁，口感最有咬口。其次仲呢到仲有「牛肋肉」同「黑毛霜降和牛」，真係好豐富，最回味的部分。  







海鮮方面<香草牛油帆立貝>同樣必食，帶子又大隻，不失鮮味，少少香草牛油，yummy~

再食埋<深海大蝦>蝦肉帶膏，不錯不錯。

別錯過<大根牛骨湯> 清湯顏色，牛肉香卻無比濃郁，無比鮮甜，必點之一。  

放題食得多好少可食到又熱又咁足料的<雞絲碗仔翅>，食完不會有口渴感good~ （比較飽肚，最好share  )

<焗蠔> 醬汁味道芝士配沙津醬蠻好的，但蠔身細左d~

食燒肉，一定要食番些蔬菜中和下～

<有機超甜菠蘿> 燒完又甜又多汁

其次仲有<白蘑菇> & <日本小甜薯> 

呢到食物質素回味指數高，下單很快出食物。

這裡抽風系統要讚，食完之後完全沒有半點油煙味！網燒中的網質地好好呢，食物不容易黏住，整個晚飯完全不用換網，火力又好，食物燒得好快又平均。

唯一唔好飲品方面只提供一罐罐裝飲品比較少~

  呢到絕對可以滿足鍾意食牛的我！推介～

============================================

感謝 Yan_PIG 提供以上資料

Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong

============================================