7 泰 旺

今日同表姐起旺角食泰國菜，食完即刻去行街

第一次黎食，樣樣點d啦∼

惠顧滿$200 加$1 可獲以下食物 (四選一) , 我地要左生蝦刺身。對我黎講，真是久違的生蝦呢.. 有冰底墊住，生蝦爽口，個人幾鍾意個生蝦調味汁。很醒胃。



星期二 <泰式菠蘿炒飯特價$75> 原價$88，本來想食炒金邊粉，不過店員介紹菠蘿炒飯好正，一於一試，味道真是不錯，足料之外仲用上鮮菠蘿，飯底仲有菠蘿香，值得一試。





<串燒和牛串 $18 > <串燒沙爹雞肉 $12> 和牛串就不推介了，肉質不香濃。相反，串燒雞很出色，燒完肉質仍是滑滑的，仲有沙爹汁好惹味，食黎起有少少微辣。

<泰式豬手 例牌$68> 豬手係必食推介，炆得好林，相信火喉夠晒呢，連d花椒、八角味都入晒豬手到，可配酸菜食，味道很好，如果調低個咸度會更好。

<馬拉盞炒椰菜苗 $68> 馬拉盞炒菜幾惹味架，一碟份量不少，good ~

<椰青 $38> 食泰菜都係離唔開青檸梳打，珍多冰... 今晚，我想飲椰青^^

<椰汁糕 $28 > 賣相雖簡單， 內裡很香椰汁味，西米部分混入粟米很有口感 ，甜度岩岩好。

餐廳內裝修似茶記，店內食物價格不高，水準滿意，店員即使很忙服務態度仍保持良好。
 

============================================

感謝 Yan_PIG 提供以上資料

Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong

============================================