起初，今日想去蘭香食常餐架，可惜，排晒長龍，男友就推介帶我試下荃灣區新開呢間「德里」，他形容呢間叫平價薩利亞 XD
![德里 - 荃灣的德里.西廚)]( "德里")
中午12點幾，加埋星期日坐位爆滿，好彩等5分鐘就有位，我已經好肚餓呢
睇睇lunch menu~
![lunch menu start from 11:30 to 5:30pm - 荃灣的德里.西廚)]( "lunch menu start from 11:30 to 5:30pm")
我們點左兩個餐，分別係「香草醬燒雞炒天使麵 $42 跟熱飲」，可轉意粉。
意粉即叫即炒，食第一口有點兒失望，點解咁淡既？後尾再撈一撈，原來醬汁同材料沉底了，撈完味道出番晒黎，味道方面，香草味可以再重手少少，意粉口感不錯，條條分明帶少許彈牙～
![香草醬燒雞炒天使麵 - 荃灣的德里.西廚)]( "香草醬燒雞炒天使麵")
![香草醬燒雞炒天使麵 - 荃灣的德里.西廚)]( "香草醬燒雞炒天使麵")
一進店，已經想食pizza^^ 「醬燒烤雞簿餅 $39 跟熱飲」
等候時間不長，足料pizza送上，材料有烤雞、菠蘿、BBQ醬、馬蘇里拉及帕瑪善芝士。呢個係薄批，幾好食，外圍邊係脆口喔，中間部分係口感軟熟，加埋d溶左既芝士，不錯！（如果好鍾意食pizza, 一個人征服一個，絕對唔係問題
![醬燒烤雞簿餅 - 荃灣的德里.西廚)]( "醬燒烤雞簿餅")
![pizza係薄批 - 荃灣的德里.西廚)]( "pizza係薄批")
食晒主菜，餐湯先黎，如果是先湯後上菜就更好呢～ 餐湯及牛角包係追加 + $6，本身餐只跟熱飲
湯係熱騰騰, 羅宋湯足料，好多雜菜～ 味道岩岩好，不會過咸，帶微酸 !
牛角包有加熱過，食個時暖暖的～
![追加餐湯及牛角包加$6 - 荃灣的德里.西廚)]( "追加餐湯及牛角包加$6")
![牛角包 牛油香再濃d 更正 - 荃灣的德里.西廚)]( "牛角包 牛油香再濃d 更正")
我既小小提議～
![餐飲匙轉用鐵匙會好一點 一黎環保 二黎幼膠匙不夠力 - 荃灣的德里.西廚)]( "餐飲匙轉用鐵匙會好一點 一黎環保 二黎幼膠匙不夠力")
依我所見，此店無收加一服務費，食物價錢大眾化，選擇亦不少，若食物水準能夠保持，質量不會減少，在多人既荃灣區係有生存之道。
希望下次再來，同樣係帶著笑臉離開
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
