好耐無入過沙田，事關鄰近火車站地方一定特別多人， 確實有d怕怕呢！

今次，黎到連城廣場搵食，商場同昔日相比大不同了。

朋友話呢到開左間「北海道牧場餐廳」,就黎試下啦，沙田是旗下其中一個分店。

店內以粉藍配白色及自然木色調為主，座位方面有卡位同方型枱。不過行人通道峽窄&員工經驗尚淺，令到服務相對不完善。

好肚餓呀！睇一睇menu，同男友一人一個常餐~

我呢個有「牛乳炒蛋配蘑菇汁、自家制肉丁配牛乳雞湯意粉、牛油多士 $43 」

意粉先到，湯底顏色帶淡黃少少白色，嚐一口湯底，牛乳味欠奉，當清雞湯底食，味道是不錯喔。意粉口感彈牙，輕微掛湯，意粉值得一讚。肉丁方面，粒粒分明，有肉香，挻惹味。



牛乳炒蛋夠滑，蠻喜歡蛋有一層層感覺，蘑菇汁頗香，唯獨又係牛乳味欠奉。呢到牛油多士反而不錯，牛油帶咸香配脆多士，很可口！





餐飲方面，既然黎到，梗係飲d牛乳飲品，加$5 轉左忌廉溝奶 。今次，終於飲到少少牛乳味，可惜有d失望，牛乳味只是淡淡的～