試食活動

今次好榮幸收到試食邀請，每次收到不同邀請，心情確實又興奮又期待！

LASSANA 原來係一間由香港人創立既本地飲食公司,  冰凍甜點, 雪糕, 麵包, 輕食及飲品, 賣點係天天新鮮, 自家炮制~~~

來吧~~~~ 等我分享一下~

得知這裡有自家制雪糕，更令我期待。小女子近期嚐了不少雪糕。這裡的雪糕係近期食過最難忘的，味道非常香濃，口感又滑，雪糕又夠凍又唔會易溶，一試難忘。

甜品賣相非常吸引，難怪吸引不少女顧客呢！看著多款甜品，有窩夫，有吐司，加埋即炒雪糕，的確難以抵擋*v*

TOAST 系列: 日本風情 $88

綠茶雪糕 & 芝麻雪糕, 配料有紅豆/ 黑芝麻/ 白芝麻/ 蝴蝶酥/ 朱古力威化餅, 仲有忌廉&朱古力醬~

見到呢個甜品一出, 即刻好開心~ 賣相又靚, 份量又大 (2-4人 SHARE, 就岩晒! 1個人就唔好點呢個喇~ XD)

TOAST係熱的, 食完冰凍既雪糕, 再食一口帶有蜂蜜既麵包, 大滿足~!

野莓盛會 $48

雜莓雪糕, 配料有雜莓, 草莓醬, 忌廉, 草莓, 野紅莓, 草莓味馬卡龍, 草莓棒~

個人平日大愛綠荼味之餘, 仲鍾意莓味, 呢個炒雪糕好香之餘, 有D酸酸甜甜~~ 配料好新鮮~ 讚~!

朱古力香蕉窩夫 $58

朱古力雪糕, 好香好濃~窩夫OK,  略厭個白色CREAM, 唔夠CREAMY~~ 

今次, 個人最愛芝麻味 & 雜莓味雪糕。如果你地鍾意酸酸地甜甜地，我推介雜莓味雪糕。
食甜品前，當然要食番個正式晚餐先啦(不過，甜品太讚了，別怪我今次先講甜品，哈哈)
卡邦尼忌廉汁吸管麵 $64
意粉食得多，看見有吸管麵馬上要點，吸管麵爽口，保持到彈牙感，good. 調味方面，忌廉汁不會太厚，食完唔會覺得漏。加埋煙肉及洋蔥，好香。

三文魚法式墨汁包 $39
黑色既墨魚包, 個包暖暖的,  夾住厚厚既三文魚~ 加埋入面好新鮮既蔬菜, 好好食~~ 需要改善既係個包既質地硬左小小~ 

相信接受不同客人既意見, 再作改善, 會更進一步的, 努力呀~ Spade by Lassana
題外話/補充資料
無意中起大角咀食到好正既中東菜, 下一篇我要介紹中東菜比大家, 請期待~ XD

============================================

感謝 Yan_PIG 提供以上資料

Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong

============================================