今次幾有新鮮感, 一黎自己好少過染布廠街揾食，二黎第一次真正嘆串燒，哈哈！確實令人有一種期待^^是日，book左位，6:45開始食我的晚餐~ 初時，時間尚早，得1-2枱客。。轉下眼 ，店內已經坐爆人
萬聖節，就快到，雖然唔係食西式餐既地方，卻有為到萬聖節佈置一下,增加一份節日氣氛，good~
![安安燒的相片 - 旺角)]()
串燒種類，分別有蔬菜類/肉類/海鮮類/丸類/特色甜品類等等。第一次黎食既關係，樣樣都點d, 同友人黎食，款式可以叫多D試試,yeah!
等我講下好食又值得推介既串燒比大家先~~~
![''美味一口甜薯 $22'' - 旺角的安安燒)]( "''美味一口甜薯 $22''")
"美味一口甜薯 $22"
一串五粒，第一次食呢種甜薯，連皮食既，好鍾意，好甜又好粉。不過有朋友share好d,一個食完一串,會好快飽
![''燒鹿兒島豚肉串 $22'' - 旺角的安安燒)]( "''燒鹿兒島豚肉串 $22''")
"燒鹿兒島豚肉串 $22" 豬肉間夾左d脂肪，燒完好香，燒完既脂肪無油膩感，反而脂肪部分，口感爽口，好香！
![''香濃芝士燒扇貝 $43/4隻'' - 旺角的安安燒)]( "''香濃芝士燒扇貝 $43/4隻''")
"香濃芝士燒扇貝 $43/4隻" 呢個抵食，扇貝size ok幾厚肉，有鮮甜味，可以保留到juicy感！多芝士，好鬼香之餘，芝士仲拉到小小絲出黎，yummy yummy^_^
![''鹽燒青花魚 $27/3件'' - 旺角的安安燒)]( "''鹽燒青花魚 $27/3件''")
"鹽燒青花魚 $27/3件" 呢個我都鐘意，啖啖肉，表皮燒得香脆，如果另外比埋新鮮檸檬既話，加d鮮檸汁，真係prefect!
蔬菜類叫左3-4款，唔錯！最好食係"惹味蒜蓉燒茄子 $34" ，平時，自己出去BBQ重慶燒，次次都好難掌握火喉，唔係整到燶左就係燒得過乾身。。原來火喉掌握得好，可以好食咁多。。 茄子燒到肉唔痴皮，讚！！ 加埋，超多蒜，惹味呢！ 有埋d辣椒碎，辣辣地~
![''惹味蒜蓉燒茄子 $34'' - 旺角的安安燒)]( "''惹味蒜蓉燒茄子 $34''")
而我比較失望同後悔點左既就係
"秘製蒜蓉撈紅薯粉"，調味同醬汁方面，個人覺得重手左，食起黎偏咸
![''秘製蒜蓉撈紅薯粉'' - 旺角的安安燒)]( "''秘製蒜蓉撈紅薯粉''")
第二樣，就係
"蒜蓉燒鮮味海蜆" 可能今年食花甲比較多，所以蜆滿足唔到我，鮮味不及我比較鍾意既花甲 XD
![''蒜蓉燒鮮味海蜆'' - 旺角的安安燒)]( "''蒜蓉燒鮮味海蜆''")
整體黎講，呢到既串燒唔錯架，可以一試！
串燒調味方面恰到好處，岩我口味，連枱上既(孜然粉 & 辣椒粉)，都無再後加~~
幾個朋友舒舒服服黎嘆下串燒，飲下啤酒，傾下計，一樂也~~~~~~~
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
