是日放假(星期六), 12:00左右黎到"點心友"~
等左15分鐘就有位~ 假期黎講都算OK~
以我所知, 呢到開左一段時間, 次次經過都有人等緊位~ 相當旺場!
入左米芝蓮既 "一點心" 同 "添好運" 又試過晒喇~~~ 今日, 就同爸爸, 媽咪試下"點心友"
果然無令我失望!
"點心友"位於屯門建生, 建生輕鐵站下車, 大概5分鐘左右路程便可到達, 總算方便~
![點心友的相片 - 屯門)]()
店內有兩種茶包提供, 分別係"鐵觀音" & "普洱", 茶包不是茶粉茶包, 而是茶葉茶包! 茶方面, 比起"一點心" 同 "添好運" 做得好! 除此之外, 店員幫忙加熱水亦很快手, 值得一讚!
![點心友的相片 - 屯門)]()
香茜叉燒腸 $21 腸粉皮屬煙韌型, 皮會厚一點, 雖然皮厚, 帶有煙韌口感 ; 腸粉餡料有一點點驚喜, 叉燒用的是叉燒粒, 大粒而足料, 吃起來叉燒感更實在~
![香茜叉燒腸 $21 - 屯門的點心友)]( "香茜叉燒腸 $21")
千層馬拉糕 $16馬拉糕鬆軟, 層次方面, 分別有3層, 第1, 3層是鬆糕, 第2層是餡料~ 個人較為喜歡有5-6層造出來的馬拉糕, 略厭層次感不夠.
![千層馬拉糕 $16 - 屯門的點心友)]( "千層馬拉糕 $16")
荔芋鴨腳扎 $21芋頭正直當做時期, 咬落特別粉! 大大隻鴨腳,相關有睇頭!
![荔芋鴨腳扎 $21 - 屯門的點心友)]( "荔芋鴨腳扎 $21")
雞絲炸春卷 $16
平時, 蝦肉春卷食得多, 用雞肉造春卷, 相對比較少見~ 雞肉混入芹菜, 食起黎芹菜又香雞肉又滑!
![雞絲炸春卷 $16 - 屯門的點心友)]( "雞絲炸春卷 $16")
魚翅餃 $21
一籠四粒, 粒粒足料! 有蝦, 肉, 素翅, 帶有一點點芫茜, 皮薄再包著厚厚的餡料爽口彈牙 (心水推介)
![魚翅餃 $21 - 屯門的點心友)]( "魚翅餃 $21")
鵪鶉蛋燒賣 $19
每一粒燒賣均有一粒鵪鶉蛋, 食一粒已經相當滿足, 建議2-3人先點黎食, 話晒鵪鶉蛋膽固醇比較高, 淺嘗好了~ 哈哈
爸爸說, 以前酒樓就經常食到"鵪鶉蛋燒賣", 宜家就只係得番"蟹子燒賣"~
黎到呢到真係要試下呀!
![鵪鶉蛋燒賣 $19 - 屯門的點心友)]( "鵪鶉蛋燒賣 $19")
北菇棉花雞 $23
棉花雞既棉花即係魚肚, 我最鍾意食魚肚~ 魚肚吸收晒所有汁既精華, 真係好正架.
![北菇棉花雞 $23 - 屯門的點心友)]( "北菇棉花雞 $23")
蛋黃蓮蓉包 $21
蛋黃蓮蓉包呢個組合, 相當肥又相當好食~ 一個包有4分1蛋黃; 包軟熟, 蓮蓉又滑, 蛋黃又帶一點咸香~ 好味道!
![蛋黃蓮蓉包 $21 - 屯門的點心友)]( "蛋黃蓮蓉包 $21")
![點心友的相片 - 屯門)]()
3個人食左9個點心, 哈哈~ 相當之飽, 點心夠大件, 下次可以叫少1-2碟都得~ 食物整體相當滿意, 絕對值得介紹大家一試!
![點心友的相片 - 屯門)]()
我最欣賞"點心友", 點心應該係自製, 而不是廠房加工的現成貨, 在這裡, 食得出是店主的心機!
我相信不久既將來, 你們可以同"一點心" 同 "添好運"睇齊入米芝蓮架!
點心友 Dim Sum Buddy
地址: 屯門良德街11號寶怡花園33號A舖
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
