話說呢, 之前有分享過起VCITY 既峰壽司 & 羅麥記既兩篇食評~!
今日, 同MAMI起屯門一帶四圍閒逛, 行左幾個鐘都有D攰喇, 想搵個地方飲杯野~
就咁岩經過呢間
紅椒力量, 見到有TEA SET~ 試試吧!
呢到TEA SET 價位$26- $50 左右, 有三文治, 湯粉麵, 小食, 炒粉麵, 焗飯... 等等~
下午茶黎緊算好多選擇^^
![紅椒力量的相片 - 屯門)]()
媽咪叫左 "
冬蔭香茅豬扒金邊粉 $34 (下午茶) 跟熱飲" , 碗粉一擺起我地面前已經聞到好香既冬蔭功味, 嚐一口~ 竟然有驚喜, 有落足料果然唔同, 湯入面有南薑, 檸檬葉, 香茅, 指天椒, 草菇, 出奇地香濃~ 略欠左DD椰奶, 唔係既話湯底會更香更滑~!!
香茅豬扒入味, 香茅味很出, 美中不足, 豬扒應該唔係即叫即整, 所以豬扒唔係熱的~!
雖然有不足之處, 但呢到既冬蔭公湯, 仍然絕對值得一試~ ^^
![冬蔭香茅豬扒金邊粉 $34 (下午茶) 跟熱飲 - 屯門的紅椒力量)]( "冬蔭香茅豬扒金邊粉 $34 (下午茶) 跟熱飲 香茅豬扒夠入味, 冬蔭湯真材實料, 美中不足係豬扒唔係即叫即整~")
而我就叫左
泰式豬頸肉撈檬 $32 (下午茶) 跟熱飲 , 對比之下, 呢個的確比冬蔭功湯粉差很遠呢~ 豬頸肉食落好似無醃過咁, 肉質有太過乾身, 完全無平時既豬頸肉爽口油香感覺 , 而且豬頸肉又係一早整定既, 所以唔熱的~ 這一點, 有待改善呢~!
唯一要讚的係撈檬個魚露, 唔係好淡好稀既貨色, 落小小已經夠晒味~ GOOD
![泰式豬頸肉撈檬 $32 (下午茶) 跟熱飲 - 屯門的紅椒力量)]( "泰式豬頸肉撈檬 $32 (下午茶) 跟熱飲 豬頸肉唔入味, 肉質偏乾~")
![紅椒力量的相片 - 屯門)]()
下午茶餐既熱飲唔洗加$, 凍飲加$5, 特飲加$8-
(全日免收加一)
![紅椒力量的相片 - 屯門)]()
題外話/補充資料
小提示:: 呢到下午茶餐份量唔算多, 如果下午茶餐想當午餐食, 可能會唔夠飽~ 哈哈
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
