諗住同朋友BBQ慶祝生日~~ 想食重慶BBQ, 原本諗住去番大尾督(之前去食過, 唔錯)~
但對我地黎講好遠... 最後, 試左呢間, 雖然呢到地點都係唔算方便, 起碼近個我去大尾督 = ="~~~
預先有打黎BOOK位~~ 住得遠, 所以選擇4:00開始燒
(重慶燒: 限時的, 可燒3小時)
重慶燒烤, 主要D野食1串串咁燒, 之後晒上味粉, 就食得~~ (上年開始多人認識"重慶燒")
3:00 先開門, 去到我地係第1批客人~~
![環境舒服, 地點對我黎講係遠左D~ = ='' - 元朗的勁嘆燒烤場)]( "環境舒服, 地點對我黎講係遠左D~ = =''")
食物多選擇~!! 加埋放得好整齊, 又有保持冷藏, 抵讚~!
![食物多選擇~!! - 元朗的勁嘆燒烤場)]( "食物多選擇~!!")
![食物放得井井有條, GOOD~~ 重慶燒烤, 主要D野食1串串咁燒, 之後晒上味粉, 就食得~~ - 元朗的勁嘆燒烤場)]( "食物放得井井有條, GOOD~~ 重慶燒烤, 主要D野食1串串咁燒, 之後晒上味粉, 就食得~~")
![食物保持冷藏, 而且有用盒蓋住, 衛生好多~~ 食得放心~ - 元朗的勁嘆燒烤場)]( "食物保持冷藏, 而且有用盒蓋住, 衛生好多~~ 食得放心~")
每一枱都會比份工具同調味料你, 調味粉 (有3隻味, 問過職員~ 原來呢3樽分別係椒鹽, 紫鹽, 同辣粉), 另外, 兩小碗 (1碗係水, 一碗係鼓油汁)
![調味粉~~ 同鼓油汁~ - 元朗的勁嘆燒烤場)]( "調味粉~~ 同鼓油汁~ 調味粉 (有3隻味, 問過職員~ 原來呢3樽分別係椒鹽, 紫鹽, 同辣粉)")
蔬菜算新鮮~~ 仲有原條茄子可燒~~
![蔬菜類 - 元朗的勁嘆燒烤場)]( "蔬菜類 蔬菜算新鮮~~ 仲有原條茄子可燒~~")
雞翼有幾種味~~~ 隻隻都好食, 最鍾意係''蒜蓉味''~ (最好既係, 呢到D野食好多都醃得好味 & 食完唔會好口渴)
![雞翼 - 元朗的勁嘆燒烤場)]( "雞翼 雞翼有幾種味~~~ 隻隻都好食, 最鍾意係''蒜蓉味''~")
"中蝦"係送既, 一人送一隻~~ 好厚肉~ 朋友食完話正, 肉爽口~ (P.S. 我好少食蝦, 怕敏感><)
![中蝦 - 元朗的勁嘆燒烤場)]( "中蝦 中蝦係送既, 一人送一隻~~ 好厚肉~ 朋友食完話正, 肉爽口~ (P.S. 我好少食蝦, 怕敏感></a><)")
菠蘿(1人送1件), 香蕉 & 雜菇包 (一個爐送一份)
菠蘿 燒完係特別甜, 唔會乾, JUICY GA, 唔知你地試過食燒菠蘿未呢?
雜菇包, 好食~~ 蒜蓉牛油味, 好香!
![菠蘿, 香蕉, 雜菇包~ - 元朗的勁嘆燒烤場)]( "菠蘿, 香蕉, 雜菇包~ 菠蘿(1人送1件), 香蕉 & 雜菇包 (一個爐送一份)")
厚切麵包, 好少燒野食有得食, 有新鮮感 (蒜味牛油個到供應埋, 燒完變左''蒜蓉土司'' ^^ 好食)
![厚切麵包 - 元朗的勁嘆燒烤場)]( "厚切麵包 厚切麵包, 好少燒野食有得食, 有新鮮感 (蒜味牛油個到供應埋, 燒完變左''蒜蓉土司'' ^^ 好食)")
重慶燒就係咁~~~ 幾方便GA, 又唔洗自己落手吉野食, 同埋D野食快熟D , 唔洗等咁耐先食得^^
![重慶燒就係咁~~~ 幾方便GA, 又唔洗自己落手吉野食 - 元朗的勁嘆燒烤場)]( "重慶燒就係咁~~~ 幾方便GA, 又唔洗自己落手吉野食")
每位$128- 包1個飲品 , 食物質素幾好, 所以覺得值! (希望下次黎, 食物質素仍然保持到啦)
如果地方唔係咁偏遠, 就PREFECT~
呢到幾岩D有私家車既朋友黎~~~
美中不足既地方, 如果佢個爐既設計, 炭同燒烤網個距離有番多少少既距離, 會更好~~ 初頭D野食就唔會燒到易燶 ~~ 同無咁易吹到D炭灰上食物到~!
![到底幾$位呢? - 元朗的勁嘆燒烤場)]( "到底幾$位呢?")
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
