呢間"台風"拉麵店都開左好一排~~~ 初頭都唔諗住試, 最後見到個朋友食完大讚~~~
攪到我心思思黎左食番次~
哎呀, 食完真係有小小失望~!
**************
入正題, 講番碗拉麵啦, 舖頭入面位唔多, 所以想黎試既你, 最好早D去等定位~
等位時, 店員會比張拉麵紙你圈番, 想食既拉麵款,
麵既口感? 麵既多少? 香油醬汁多少? 京蔥要唔要? (((全部都得選擇GA)))
拿~~~ 之前我第一次去食"豚X"拉麵, 香油醬汁都選左要"多" 結果麻麻, 原來選番"普通"係最prefect~
之後去食其他拉麵店, 我都會香油醬汁選番"普通"
![落單紙分兩部分, 第一部分先選拉麵款, 之後再跟番個人口味 - 荃灣的拉麵台風)]( "落單紙分兩部分, 第一部分先選拉麵款, 之後再跟番個人口味")
![落單紙第2部分, 係FOR額外追加飲品同配菜~~ - 荃灣的拉麵台風)]( "落單紙第2部分, 係FOR額外追加飲品同配菜~~")
去到唔明張紙個拉麵名等於咩黎呢? 唔緊要既, 店外有張menu話晒你聽架~~
![詳細MENU , 有圖有價錢~~ - 荃灣的拉麵台風)]( "詳細MENU , 有圖有價錢~~")
朋友叫左
(左面) 紅色暴雨 ''大辣'' $83-, 我就要左
(右面) 魚介豬骨湯 $78-
兩碗除左湯底唔同之外,
"紅色暴雨" 同我個碗比係多左辣芽菜~~~
![(左面) 紅色暴雨 ''大辣'', (右面) 魚介豬骨湯 - 荃灣的拉麵台風)]( "(左面) 紅色暴雨 ''大辣'', (右面) 魚介豬骨湯 (左面) $83-, (右面) $78-")
主要講番我點既
魚介豬骨湯, 湯底方面, 看似好濃, 未加"魚粉"前, 我先嚐一啖豬骨湯~~
很少很少的豬骨味, 完全無黏咀既骨膠原感覺~
加左"魚粉"后, 味道沒有提升, 只係覺得個味精複雜左~
有d拉麵會食到"簡"水味, 呢到就唔會有呢個問題, 麵質一般~ 拉麵質地吸唔到湯個味~ 失色左~
麵份量夠多~ 食一碗, 唔加配菜已經足夠~
![睇落好濃既湯, 可惜無咩豬骨味~~ 就算加左''魚粉''都係差唔多咋~ - 荃灣的拉麵台風)]( "睇落好濃既湯, 可惜無咩豬骨味~~ 就算加左''魚粉''都係差唔多咋~")
時間處理得好~~~糖心蛋, 好食~~ !
![糖心蛋 - 荃灣的拉麵台風)]( "糖心蛋 糖心蛋, 好食~")
叉燒麻麻, 太瘦喇! 雖然塊肉夠林, 因為一d脂肪都無, 唔好食呀, 少少油香都沒有><
而且塊肉唔夠味, 應該煲既時間未夠, 所以入唔到味~
![塊肉太過瘦喇!! - 荃灣的拉麵台風)]( "塊肉太過瘦喇!!")
加分地方, 雖然舖頭細, 但門外加左椅子可以排隊坐下, 唔洗等位等得咁辛苦~
![舖頭雖然細, 所以等位時間會耐, 出面有幾張椅子比人坐~~~ 加分~! - 荃灣的拉麵台風)]( "舖頭雖然細, 所以等位時間會耐, 出面有幾張椅子比人坐~~~ 加分~!")
題外話/補充資料
起荃灣區算係ok既拉麵店~
如果自問對食, 對拉麵有要求~ 呢間未必滿足到你~
所以呢間對我黎講, "未達標"~ XDXD
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
