"V CITY" 係屯門最新既大型商場, 唔知你地有無黎過呢到行呢?! ^^
我媽咪就未黎行~~ 好吧, 等我陪住佢行下食下啦~~ (其實今次都係我第2次黎行.. )
呢個新地方, 食物算多選擇.. 你要食 日式, 西式, 越式, 中菜, 上海菜等等都有~~
新地方, 人流當然唔少啦, 基本上間間都要等位
我先試"峰壽司" , 我鍾意食日本野麻~~~
坐左迴轉位, 呢到落單係用IPAD自己篤篤既~~ (幾好, 環保好多呀~~)
![用IPAD落單~ - 屯門的峰壽司)]( "用IPAD落單~")
用IPAD睇資料更加清楚, 就連卷物包含既所有材料都SHOW晒出黎 , 你唔鍾意有蔥同沙津醬, 就起IPAD 到CLICK 一 CLICK就OK LU..
![用IPAD落單~資料顯示得好詳細~ - 屯門的峰壽司)]( "用IPAD落單~資料顯示得好詳細~")
已經選左既食物, 會起"清單"上見到 ~~~
![用IPAD落單~ (最多選6款要先''送單'') - 屯門的峰壽司)]( "用IPAD落單~ (最多選6款要先''送單'')")
"青魚三點盛" ($22) 池魚, 秋刀魚, 鯖魚各一件
- 幾好, 起碼唔係食左落肚都唔知咩黎, 分得到係咩魚~~
![''青魚三點盛'' ($22) 池魚, 秋刀魚, 鯖魚各一件 - 屯門的峰壽司)]( "''青魚三點盛'' ($22) 池魚, 秋刀魚, 鯖魚各一件")
呢個起MENU入面無架, 呢碟 $10, 應該係切完魚生之後唔完整既部分做左軍艦~~ 試左1碟, 感覺良好呀, 收得咁平, 都有1粒粒唔算細粒既魚生~ 呢件主要係油甘魚黎~
![呢個起MENU入面無架, 呢碟 $10, 應該係切完魚生之後唔完整既部分做左軍艦 - 屯門的峰壽司)]( "呢個起MENU入面無架, 呢碟 $10, 應該係切完魚生之後唔完整既部分做左軍艦")
"8爪魚芥辣" 軍艦 ($14) , 好食呀~ 8爪魚又大粒又彈牙又足料~ 我係芥辣迷~~!!!
![''8爪魚芥辣'' 軍艦 ($14) - 屯門的峰壽司)]( "''8爪魚芥辣'' 軍艦 ($14)")
"三文魚卷" ($22) 3件 , 味道配搭MATCH, 味道有"和風感覺" , 可能有木魚絲同沙津醬既關係.. 呢個我即刻ENCORE左1碟~
![''三文魚卷'' ($22) 3件 - 屯門的峰壽司)]( "''三文魚卷'' ($22) 3件")
"三文魚壽司" ($14) 2件 , 三文魚質素係中下 , 點解咁改呢? 因為肉質偏林, 無麥本身魚既油香味, 三文魚既鮮味欠缺了~ (應該唔係挪威魚) , 刺身雖然厚, 但都不夠好...
![''三文魚壽司'' ($14) 2件 - 屯門的峰壽司)]( "''三文魚壽司'' ($14) 2件")
"太子貝壽司" ($12) 2件, 如果你唔食生野既話, 呢款會係不錯的選擇~
![''太子貝壽司'' ($12) 2件 - 屯門的峰壽司)]( "''太子貝壽司'' ($12) 2件")
"塩帶子壽司" ($32) 2件 , 呢個推介呀~ 肉質又大又厚, 很鮮味~ 就咁有少少鹽配搭已經好食~
![''塩帶子壽司'' ($32) 2件 - 屯門的峰壽司)]( "''塩帶子壽司'' ($32) 2件")
送壽司去位既方式, 很特別! (的確慳了不少人手, 又令到D壽司更快可以到客人手上~~ 食物更可以保持更好狀態, 例如: 保留到"軍艦"既紫菜食起黎仲係脆!)
![峰壽司的相片 - 屯門)]()
我睇過MENU, 如果唔食壽司, 大家都仲有好多熟食可作選擇~
![峰壽司的相片 - 屯門)]()
題外話/補充資料
食物整體質素只屬一般~
迴轉位上菜方式特別, 可以試試, 睇睇這個新設計吧! ^V^
============================================
感謝 Yan_PIG 提供以上資料
Yan_PIG 的網誌: http://www.openrice.com/zh/gourmet/reviews.htm?userid=151904&city=hongkong
============================================
