出走浪人重返＊帶來無限體會

由 mohkc 於 2015-12-15 00:00:00 發表 | 累積瀏覽 271

分類：

攻略日期：2015-12-09

是次消費：每人平均約HK$ 737.00

浪人，
係江戶時代是指離開登錄戶籍地去，去到其他國家流浪嘅人，失去領地和職位人。浪人不分身份，任何人都有可能成為浪人。幕府时代末期，浪人群體積極參加各種政治運動。明治維新後、實施了四民平等政策，“浪人”階層逐漸消失。

現時我對“浪人”嘅感覺係暫時放棄工作嘅年輕朋友，去唔同國家Working Holiday，香港就同澳洲、愛爾蘭、日本等國家合作，比30歲以下人士有機會去外地生活及工作，有機會擴闊其視野，報讀修讀短期課程，增強文化交流，真的令人羨慕。

今日跟友人晚聚，分享大家即興出走嘅興事，嚟到中環M88，一陣都有留意到呢間餐廳浪人日本料理，主打築地直送海產，每天有十多款海產讓食客選擇，帶來新鮮感，係餐廳都可以品嚐到日本海岸嘅味道，今天感覺零靜，餐廳以深啡色木為主，燈光都集中係枱上，座位上嘅藍色與入門口時嘅餐廳名，靜靜地互相配合。

我哋放輕腳步，不讓聲音影響到環境，而我哋坐嘅位同隔離一張枱之間，有一層薄紗做阻隔，為食客提高私人度，景觀都比雲咸街嘅大廈包圍住，更有些英式建築物，係細雨下望出窗外好似MV中嘅情節，事不宜遲，睇下店家有咩好推介！

有機五色蕃茄配梅汁軟凍
五色蕃茄有各種不同嘅味道，就好似人一樣有着唔同嘅性格，蕃茄中有紅、橙、黃、青及紫色，還用食用花添加顏色，令菜餚睇落更加花技招展，下層有自家製梅汁凍，攪拌一下軟凍褂係蕃茄上一齊食，甜味好似蜜糖咁天然。

另外，我特別欣賞日本菜分開刺身及熟食，先食一些蔬菜冷盤開開胃，喺食刺身前清清味蕾，再食無添加嘅刺身，然後食名款烹調手法做出嘅熟食，由冷至暖嘅感覺，令我好舒服。

日本海膽伴溫泉蛋高湯啫喱
今年去咗一個東南國家，炎熱嘅天氣令我返到嚟香港，算30度嘅夏天都覺得涼快，因為感受到海風吹上面旁，令我想跑過沙灘就進入大海，而店家呢道菜式可以將你帶進海洋中嘅天堂。

日本海膽伴溫泉蛋高湯啫喱，由左邊數起有溫泉蛋，係如雲層般嘅黃白中，透了一些鮮黃好似匿埋嘅太陽，中間豪氣咁放住兩份海膽，上面更有魚子、小草裝飾，鮮味十足嘅樣子，同鰹魚高湯啫喱嘅顏色呈現好強烈的對比，先用蛋黃伴海膽，鮮味更突出，再吃高湯啫喱，可減去少許的腥味，各款用了配合非常出色。

雜錦刺身
各款刺身賣相吸引，各魚生色澤鮮明，首先有薄切深海池魚王，肉質清、甜、爽口，另外金目鯛、三文魚、吞拿魚等都厚切奉上，令食客吃得滿足，但刺身內嘅水份影響了味道未夠濃郁，而三文魚油脂豐富，帶點甜味就不錯。

石籠炸
特別用唐蒿薄片包住魚肉炸成，外層嘅炸粉好薄，透出裏面嘅淺綠色，夾起時感覺唔油膩，有脆脆嘅口感之餘，可保持裏面嘅肉質唔會變乾身，仲有肉汁會滲出，而魚嘅肉質好彈牙，另外仲有多個食法，可以點著岩鹽、抹茶鹽、辣椒鹽等食用，仲有鰹魚湯伴隨，好似食天婦羅時嘅配搭。

厚燒鹿兒島和牛
對鹿兒島嘅認識除咗牛，就係秋天時讓人印象深刻的楓葉、銀杏等，鹿兒島嘅銀杏樹林占地達4.5公頃，大約有1000株以上的銀杏樹，所以被稱為「千株銀杏」，金黃色的銀杏樹林是中馬先生夫婦花費了35年的歲月用心培育出來。

店家推介以鹿兒島和牛炮製出嘅料理，即使不是我倆唔係牛魔王，都一樣食指大動，見到肉燒得半生熟，油脂適中令肉汁豐富，不過用鐵板送上，牛肉難以控制佢嘅熟成程度，可以改用一下其他上菜方式就更加好了，另有多款菌類，加點秋葵醬汁就更惹味。