可以任食雪糕既玫瑰下午茶

好夢幻又浪漫既tea set，好吸引啊！以往食過好多酒店既下午茶，就會發現間間既野食都差唔多，大同小異，加上係FB不停見到哩個廣告，所以決定過黎朝聖下！

一黎到店員提供佢地既玫瑰香水同埋按摩精油比我地試用！

飲品方面，就係哩個玫瑰花茶加棉花糖！



presentation好靚，棉花糖好似雲咁會落雨，原理係熱水既蒸氣令棉花糖融化下滴！哩種配搭同方式好有心思！另外，棉花糖係選用有機蔗糖，無咁甜又健康D！

甜品終於黎啦，以玫瑰花為主題！

第一層有玫瑰牛乳布丁，選用北海道牛乳，口感似豆腐花，好香滑，味道清甜，不過玫瑰味唔太突出！另外仲有玫瑰石板街朱古力，用dark chocolate做，裡面有玫瑰花、開心果、其他nuts！

第二層有玫瑰cupcake、朱古力同埋earl gary馬卡龍，唔會過甜，另外仲有芝士蛋糕，用tiramisu既芝士整成，芝士味香濃幼滑同樣唔會過甜！

最底層既就係咸點，scone夠熱，重牛油香，可以蘸cream或者玫瑰果醬，個人比較好果醬，而且玫瑰口味較特別！另外，有三款芝士，blue cheese 味道最濃，小食芝士既我就覺得唔岩食，都係食返軟芝士好D，店員教我地食前可加黑魚子一齊食，係口裡面爆開加埋芝士都幾夾！仲有其他意式火腿，不過我連煙三文魚都唔鐘意食，所以哩樣都唔太岩我，似乎我太簡飲擇食

係哩個tea set入面，係可以任食雪糕嫁，分別有柚子、薑味、豆腐味、南瓜豆蓉等等！

最後參加埋迷你香水工作坊，可以整屬於自己既香水！

============================================

感謝 ooonly4food 提供以上資料

ooonly4food 的網誌: http://www.openrice.com/zh/gourmet/reviews.htm?userid=58582367&city=hongkong

============================================