Day 8 日本之旅最後一日 ~ 上野 (4 Apr. 09 Sat.)

早餐@一蘭拉麵

位於池袋車站好易搵

每個座位都有板隔開, 私穏度極高... 不過我覺得好自閉, 由落單到上菜都唔會見到侍應一面, 成間店又黑沉沉, 冇哩生氣 ... 我都係鍾意傳統的拉麵店, 可以一面睇著師傳煮麵一面食, 特別好味道又有氣氛

之後, 行去對面的恩賜公園賞櫻花

由於今日是星期六又是日本的假期, 公園內人頭湧湧, 更有當地人帶備大大張的地墊漏夜霸位賞櫻 ... 只是早上 11 時已有人面紅紅 醉醺醺 瞓在地墊上

 

     

咁又玩左 8 日, 去到旅程的尾聲, 買完手信及壽司午餐, 就返酒店攞埋行李去機場

午餐@酒店 ~ 大拖羅壽司及雜錦壽司盒 

我地搭 CX, 全機爆滿皆因混雜埋其他航線, 有飛返香港或到香港轉機的, 咩人都有, 成個聯合咁

CX 的飛機勁唔掂 ... 都係日航或者 ANA 正 D, 人地起碼食番 D 日本野, 好似冷麵, 鰻魚飯咁, 咁至會令成個旅程有個完美的句號嗎

航班遲了成個鐘, 難為家姐及大姑媽在機場等咁耐!!!

搭咁耐機, 返到嚟見到家姐仔接機零晒開心 ... 聽埋佢果句 "好掛住你呀!" 真係甜到漏