23-12-2015 (第二日)
噚晚浸完温泉好好瞓，今朝又唔駛早起，瞓到八點先起身，所以特別精神。
食咗早餐，番房執好行理，十點半上車，見仲有Ｄ時間就出去影吓相先。
姿姿整整都要成十一點先出發。
先去今日第一個景點「虎豹別墅」，即係萬金油個老細嘅別墅，喺香港大坑道都有喇，睇吓有乜分別先。
一樣有同香港果個萬金油商標嘅虎塔。
牌樓。
裏面都冇乜野睇，出番黎行吓好過。
附近Ｄ客家房屋。
行到上黎胡氏家祠，外面竪立咗好多枝石雕嘅功名柱。
入去參觀吓先。
參觀完虎豹別墅就上車去食中午飯。
今次食飯嘅地點係喺客家土樓入便，今餐係土樓特色宴（有特色兩個字Ｄ餸菜都唔慌好咗去邊喇）！
喺可以放一圍枱嘅狹窄小房間裏面食飯。
今餐Ｄ餸就不足一提喇。
嗱嗱聲用湯撈咗兩碗飯就同大人出去週圍逛吓。
![]()
離開餐廳就去參觀今次旅程主打嘅有三餸一湯之稱嘅「客家土樓群」。
到此一遊。
上去參觀吓先。
圓形建築就係客家土樓嘅特色。
呢幅清朝時代嘅相晤知放喺度做咩呢！
由土樓內部通往外面嘅秘密通道。
呢幾塊板下面有條通道，出口係離土樓好遠嘅地方。
參觀完土樓就行過去對面山崗，遠觀整個土樓群。
![]()
![]()
上到觀景臺望番過去就見到有三餸一湯之稱嘅「客家土樓群」喇，呢三個圓形一個方形嘅土樓群，層經被美國誤以為係中國火箭發射基地，真係比佢笑鬼屎。
難得咁好陽光，影多幾幅相先。
呢個亭係比人飲杯茶抖吓，同埋順便買Ｄ土特產咁囉。
女人去到邊度都唔會放過有野買嘅地方。
由山崗觀景臺落番黎就上車番酒店。
好快就到咗今晚入住嘅「天子温泉園林酒店」。
今次比我係盡顯專貴嘅露台獨立温泉浴缸大床房。
呢個温泉浴缸都唔錯喎，不過梗係唔會依家浸喇。
嗱嗱聲換番泳衣就喺酒店門口，乘約好嘅園內環保車去温泉區。
大人一去到就走去有按摩功能嘅池度浸，佢話好舒服，冇得頂。
浸完温泉，疲勞盡消，換番衫去食晚飯。
今餐係「温泉養生宴」。
冬瓜排骨湯。
白飯任裝。
紅燒豆付。
冬竹筍炇五花腩。
紅燒豬肉。
鹵水金錢肚、鴨翼、豆付。
清蒸鯇魚。
客家咸雞。
青瓜沙律。
炸鮮尤。
清炒西洋菜。
食飽飽一班老友傾到七點幾先番房。
番到房，喺露台果個温泉浴缸度浸吓，一路浸一路嘆埋杯靚奶茶，跟住睇陣電視就覺覺豬喇。
感謝 白果魚神 提供以上資料
白果魚神的網誌: http://a991952.blogspot.hk/
