Merry Christmas
聖誕快樂
肥妹仔Baileys都變成聖誕女郎
(不過影幾張相佢就唔肯再著啦)
大家呢幾日係咪食左好多大餐同去左好多Party呢??
攰到好似Vodka咁呢??
唉, 佢地愈來愈難呃,
Vodka無Baileys咁為食,
要趁佢訓覺先可以戴頂帽咋!!
呢兩年屋企都無擺聖誕樹,
上年唔係香港嘛,
而且兩隻野好八掛, 始果擺左出黎就有排搞啦,
實日日同我推跌棵樹同搶晒d飾物落黎。
T__T
只可以係街望囉,
呢棵係上星期出trip係海寧見到的
大陸都好希聖誕氣氛!
希望下年可以擺返聖誕樹啦, 因為我真係好鐘意架!!
聖誕節大家有無交換禮物??
有無收到d好或者勁odd的禮物呢??
可能今年做得善事多,
幸保不失,
今年收到好多正野!!
因為無聖誕樹, 今年唔等boxing day就拆晒了!!
琴晚平安夜, 同朋友們一起過,
去左呢度BBQ~~
有得釣魚同蝦架喎!
埸地平日$138 三個鐘, 但琴日節日加左價$198 四個鐘,
都OKAY的, 聖誕嘛!!
仲每人都有袋小禮物, 有頂帽同D閃閃手環, 好有氣氛!
今年收到乜??
今年無一齊過,
男友寄來聖誕禮物,係skype拆禮俾佢睇,
我個份佢仲返家鄉前仲未收到呀! >.<
我其實都好想係德國過,
香港無咁好氣氛,
想再去行下德國的Christmas market,
起碼唔會被人推住咁行嘛!
抽獎環節~~係咪好豐富呢??
我抽中左呢樣, 係可以USB充電的床頭燈,
好實用, 可以訓之前睇書用, 唔洗走返落床熄燈。
拍甲油就係自己買俾自己的, 哈哈!!
manager送的暖水壺, 都係好實用!!
公司抽獎中左coupon $200 同呢個袋但係我唔太鐘意用名牌袋架,
我係上年係澳洲outlet見平先買個D&G, 仲係貪佢可以伸縮氣帶做背包,
呢個又硬又重!! 唔知幾時用得著。
我俾媽咪用, 佢都話太重唔用(!!)
呢個小米手帶, 係一間supplier送既, 一人一條。
雖然我唔喜歡用強國牌子,
但係我都開左黎玩,
希望無俾共產黨跟蹤我啦!!
佢有咩用呢??
要裝一個app的-- mi fit。
可以計下我每日行左幾3步, 我既target係每日8000步,
暫時有外出的話都有過9000-10000步,
但今日訓到好晏, 又係屋企, 無乜行(!)
仲可以睇下我sleeping quality,
琴晚只得2個幾鐘深層睡眠咋, so sad!
暫時係咁多, 仲有兩日假,
大家好好enjoy啦!!
============================================
感謝 Little Sweet Pie 提供以上資料
Little Sweet Pie的網誌: http://littlesweetpie.blogspot.hk/
============================================
