熱辣辣聖火

2008年5月8日天晴，今早喺深圳公司返香港途中，見到世界之窗地鐡站企咗好多人，細問之下才知今日係奧運傳聖火ge深圳站，所有學校都放假一天，大部份人都手握國旗同奧運旗喺度係咁搖，有d仲連塊面都貼埋貼紙，攪到我返到羅湖都忍唔住佢地ge熱情而比咗5蚊人仔買咗兩支旗。

當下午再返上深圳公司時，一心以為傳聖火已經完滿結束，誰不知的士在轉上濱河大道時竟然剛剛封咗路，有人告知因為要遷就朱峰傳聖火ge時間，所以深圳依邊要順延到12:00才開始，於是司機就改走深南大道，但沿途都仲見到佢地有好多好多人係度等聖火，原來我地的士行緊ge一段路，亦都係火炬手傳聖火ge路段，只不過佢地仲未跑到黎，睇到出面藍天白雲，再加上人群之熱鬧........佢地等咗起碼幾個鐘，再睇吓我隻錶ge溫度顯示，成32.8度，我都忍唔住攪低個窗，再攞部相機出黎影返幾張，點知個司機仲勁，拎住部攝錄機係度360度喺咁拍，最終平時返公司ge廿分鐘路程，結果塞咗成個鐘先返到公司。

雖然都係影唔到火炬手，只係影到等睇聖火ge人群，但總比起5月2日係香港傳聖火ge時候好，起碼今日都係無啦啦咁遇到，而且深圳依度 ge人地熱情好多好多。

~~~~~~~~~~ 完~~~~~~~~~~