12月27日(星期日)~認識接近10年既"大馬好友(小寶+細表)"
幾個星期前..臨時決定黎香港玩~不經不覺..原來4年多無見
今次再夾埋baby笠+小奧~同我地來個"世紀相聚。探親之旅"
昨日佢地中午到達香港~因為好早前..我約左返娘家食盤菜
所以依日見唔到面~交比好友Baby笠+小奧..好好招呼佢地呢
難得早排老闆同baby笠+小奧認識左~可以一行六人結伴同遊
好難得結合六人一齊玩~加上太耐無見..便稱之為"世紀相聚"
( 關係圖是咁的! 流浪影子+baby笠+我..係yblog認識的~後以老表相稱"流浪影子"為[細表] )
( 再引申係不同時期..認識埋佢地既另一半~細表老公[小寶] & baby笠老公[小奧] )
* * * * * * * * * *
(Day 2)是日行程..飲早茶>城門水塘行山>三坡坊踎地道大排檔
朝早起身攪掂就早d出門~我去買d生果~等行山break果陣食
老闆去"海港"搵位~約左10點係酒樓等~預計飲到12點開始行山
唔知係咪我話.."邊個點~食唔晒最尾要負責返"(唔好浪費食物ma)
依日點左好少點心(哈哈)~不過朝早大家胃口都唔大..就真既!
飲到11:45am埋單~沿路去埋商場洗手間~就坐車上"城門水塘"
依日天氣ma ma~間中毛毛雨又無陽光..地下濕濕地又多枯葉
諗住睇紅葉又未紅得晒~好驚依日行山令大馬好友覺得沉悶呢
一路行..大家又四圍影&互影下~久唔久又集合一齊影大合照
最攪笑影依張..我想影花型ma~但要貼到好埋好埋又唔夠位
總之任何一個有少少郁..都會影響到其他人~仲要唔笑得
因為一笑..震震下又會郁到~原本山上既天氣都幾寒
但影完依張..見到個個出晒汗(笑鬼死..哈哈)
個個爭取時間影相~係老闆一個無所事事..睇住我地影
baby笠話佢..好似導遊咁~我都覺佢唔夠參與一齊影囉(衰)
12:40pm開始行..break左2次食生果~baby笠又買左d零食
不過好多馬騮出沒~要昅住隨時搶野食..miss左無影食物相
之後又有幾隻牛~本身我唔驚牛..但我食緊生果d牛好快走埋黎
baby笠+細表驚牛..笠仲捉住我隻手~我叫佢唔好捉住我..快d走
因為d牛見我有生果..所以跟住我(好慘呢! 我同牛牛講..唔比得你食架! 嗚)
行到接近5:00pm落左場大雨~好在行到接近尾聲
去到van仔站~雨停左..遠望仲見到太陽準備落山(d天氣真係變幻莫測)
book左6點去三坡坊"利濠"大排檔食飯~落到荃灣攞埋個蛋糕
即刻過去食店~等baby笠+小奧+小寶係食店休息下坐陣先
我地同細表去街市買海鮮~順便等佢感受下我生活中既街市
"利濠"本身係做熟客生意~次次去都唔算好多街外人去食
熟客本身又豪邁~完全feel free當屋企咁架! 講野又勁大聲
所以都擔心佢地唔慣~但依道可以睇到香港地道既生活一面
好想等佢地一齊融入當中感受一下~好在佢地都鐘意呢
係街市買左貴妃蚌, 瀨尿蝦, 奄仔肉蟹~另外再係食店點小菜
落order時..一下子唔記得叫走粉絲(因為細表唔食得粉絲~太大意呢)
"豉汁炒蜆(+辣)"~唔知當刻無講..定廚房漏左~完全唔辣
"椒鹽瀨尿蝦"
我覺得依晚d炒功遜左d~雖然唔係話差
但味道方面~係比之前食既欠少少功夫
最記得第一次同小寶+細表見面~去銅鑼灣食"橋底辣蟹"
今時今日..大家既記憶仲好猶新~依晚再點"避風塘炒蟹"
再叫兩碗"淨米粉"送避風塘料..超夾超正!
"瑤柱蛋白炒飯"..依個飯炒得好好~少油夠乾身
之前baby笠成日話同我食炸大腸~依晚可以滿足埋佢呢
"炸大腸"..要好熱食就比較好~因為放耐凍左就欠少少囉
"蜆芥炸鯪魚球"~送啤酒一流~依晚飲左13支大啤+1支黑啤
因為由朝見+傾到夜晚..唔駛warm up~再飲埋酒玩得仲放
飲到咁上下..我講國語~笑到佢地呢..baby笠仲笑到流眼淚
可能以往見我講野比較正經~好少見我會玩到咁放鬆心情
以為我飲醉~之後每次聽我講國語..都問係咪飲左酒(哈哈)
(衰啦! 我慢熱架ma~見面要warm up一段時間先open my mind架 :p)
"啫啫芥蘭煲(走肉)"~因為細表除左海鮮..唔食其他肉類
所以同老闆娘講..一定一定要走肉~佢都好肯定話"得"
如果有肉比返佢再煮過~衰在阿叔放底果陣問佢有無肉
佢又答有少少~攪到又煩老闆娘..佢話同廚房講左走肉
於是佢拎埋個菜入廚房查問~最終佢都好肯定一定無肉
攪到真係唔好意思! 最衰都係個阿叔答左"有少少肉"囉
最後有"小炒皇"~依個baby笠之前已經話要叫
我認同"小炒皇"可以代表果間食店既水準程度
之後見有檯客食依個~大家都好奇..於是問問食店老闆"明哥"
佢話係熟客由長洲拎黎既"狗爪螺"~兩巨碟..目測起碼有8斤
問完之後..明哥特登拎少少比我地試下~仲教我地點食
我覺得個殼+形狀+手感都似蜥蝪腳~好得意
味道帶鹹海鮮味..軟軟地又有點點咬口~真係好得意
之後..老闆娘叫廚房炸左d"椒鹽鮮魷"自己食既
又請我地食~因為食過ma..叫佢請小寶+細表食ok啦
食完hea陣..食蛋糕~麻煩晒baby笠返工預先去訂係荃灣攞
寫埋慶祝"2015世紀相聚"~依晚真係超勁開心好攪笑又好玩
我覺得朋友與朋友之間~可以放開心情咁玩..真係難能可貴
雖然會亙鬥咀~但其實會好尊重對方~同埋..始終傾談既時候
有d人會好保留自己ma~但我地完全無囉..好放開放鬆咁傾
係食店消磨左4個半鐘~再去大馬好友既酒店拎手信+參觀
因為香港人唔會無啦啦住香港酒店~所以齊齊上去八下
參觀下又同baby笠li埋係窗簾布後面睇夜景+佢影夜景相
八完傾陣..老闆教+幫baby笠&小奧call的士~送埋佢地上車
我地就返屋企lu~依日世紀相聚真係非常十分極之開心^^
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
城門水塘
上水古洞
梅關古道
G-fit
北潭涌郊遊徑
菠蘿園
菠蘿園
余佐川(南韓)