2016 啦!! HAPPY NEW YEAR!!
踏入新年到而家先搵到時間整理個 BLOG
寫返 2015年壓軸o既九州之旅
今次旅行同我地上年新年一樣, 都係同婆婆去,
仲有加埋婆婆o既好朋友, 睇住敗家媽媽同小齊大o既~
之前已經試過一齊去關西, 今次原班人馬訪九州!
24/12 出發, 今次又係 HK Express... 飛福岡
坐下晝機去到酒店時天都黑晒, 第一日基本上冇 plan 行程,
只係諗住隨便搵o野食, 食完四圍行下咁~
頭兩晚都會住博多o既酒店, 有上次經驗覺得都係住返近博多站o既酒店好
今次唔揸車, 所以酒店地點變得重要
洗手間同一般日本酒店差唔多
房間有 IPAD, 小齊居然識自己開 GAME 玩
咖啡機都有
房間唔大, 係勝在地點方便
稍事休息後搵地方食晚飯
不作他選, 我建議近近地去 HAKATA CITY
亮燈好靚呀 ~~
但我地太餓啦, 冇心情欣賞住
博多城 9 樓 10樓都係食肆但好多都要等位, 仲要等成粒鐘...
(關唔關平安夜事呢?!)
最後搵到間等半個鐘o既...(已經好感動~)
o係博多城 9樓,
主打食"飯" 同埋明太子,
門口有明太子賣, 仲有通販
越睇越肚餓...
聖誕節連杯墊都有聖誕老人
小齊o既餐具, 木製o既~
我地餓到食得落一隻牛, bar 枱都照坐
hurhur 聲一人叫個 course 食,
我就同小齊 share 一個 course
先o黎前菜, 小齊話最欣賞柚子味o既墨魚刺身
呢個唔知咩魚我食晒, 小齊話腥味, 我都覺有 D
薯仔沙律同甜蛋, 好味~
唔知係咪明太子薯餅, 小齊連婆婆果份都食左一半
卒之到主菜, 我叫左豚肉, 硬係覺得o黎九州要試豚肉!
第一餐就o黎會會你~
鐵板豚肉, 上面居然鋪左蘋果, 清甜好吊味!!
我同小齊一人一啖~ 正!
食到呢度都飽左一半,
但話左呢間明太子出名, 當然要試
等左 35分鐘, 明火煲o既白米飯!
明太子送飯
唔好意思, 太好食我唔記得影相, 到我記得影o既時間已經係咁
我同婆婆一人兩碗 KO左成煲飯, 小齊就食左小半碗
最後食埋甜品, 好有滿足感
飽餐後 9點幾鐘, 大家未想返酒店
博多城o既舖頭都收得8899,
多數都開到好夜或者24小時營業,
食飽飯, 瞓唔著最好就去行下
多得 GOOGLE 指點我地就去最近果間 -- 中洲店
雖說最近其實都要行成 25分鐘
沿途見火樹銀花
呢間規模唔算太大, 得一層
小齊今次大個左, 唔似之前,
今次佢會睇自己o野, 睇啱叫我買~ hehe ~
多數係食物, 玩具之類...
第一日咋, 唔好買咁多o野住, 我點拎個筴呀?!
最後只係買左少量食物, 手信
小齊臨走噤汽水機熱飲當暖手包!
第一日行程完~
是日靚衫: Microbe, Miss Blumarine, Junior Gaultier, Lelli Kelly
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
