當日早上蓮香樓飲完茶之後,步行前去港澳碼頭會合其它幾位朋友一同搭船去馬交,今年總共九人,到馬交後先參觀一間新開的賭場,好似叫新濠,開了幾個月左右,見賭場賭客不多,正式是有刀客冇路客,睇完後去官也街一間貼滿食神梁文韜照片做廣告的魚翅麵家吃碗魚翅麵和炸魚球,跟著去試下瓦煲咖啡和葡撻,跟著去一間叫金龍的賭場,呢間賭場是我第一次聽到,也是第一次入內,睹場有三層,不過每層面積都不大,前幾日睇到一單新闻講馬交一間叫希臘神話的賭場執笠,自從習總上台打壓貪官,加上最近幾年世界經濟不好,澳門的賭場己冇乜生意,獨沽一味靠賭維生,而且馬交政府缺乏遠見,乜都唔撹話之佢,每年照派錢,愈派愈多,一葉知秋,馬交市民捱苦的日子快來了.
一行九人只有我一人不賭,每次都是我一個人漫步街頭,其實呢幾年都是一樣,每次想去漁人碼頭也沒有去成,怕時間不夠,因不知道他們賭多久,今次吃晚飯的地方亦是同前年的一樣,黑沙環林記燒烤,記得大前年去時坐滿人,今次只有我們一檯人,生意真的差了很多,每次返香港回來後我都要減肥,馬交一天遊九個人之中有五個是肥人,由早上吃到晚上,如此吃法有乜辦法唔變肥人呢.
http://ngwai.blogspot.com.au/2014/10/blog-post_27.html
============================================
感謝 wai 提供以上資料
wai的網誌: http://ngwai.blogspot.hk/
============================================
