結婚唔好去金都,全部黑店信唔過 ! 一條龍服務呃錢 比錢無場 無服務 租車無車黎 退錢退唔到~ 邪牌黑店

結婚係人生大事

絕對唔好去金都訂任何野或服務！

唔係我經歷，不過忍唔住都要ＰＯＳＴ出黎！

事件最新發展，各位苦主盡快到場，警察已開聲正式受理，海關約9點到場，想追錢只得今日，快去

---

多名苦主已聚集金都湯生店外要求賠償，已有拖欠款項事主成功追討一半，有錢被拖，無相收等等等等，請立即拿單據去金都同樣追數，自己的事唔著緊無人幫到你。

但湯生話顧客生事滋擾要報警，已有數名警察正在登記在場人士，海關正在前往現場。

最新消息：有無新人係1月16日結婚？有2個新娘子同時呢日結婚同樣都係book桃紅色倫敦的士，但其實只得一架，但湯生就收哂2個新娘子o既全數錢，咁即係一開始己經打算呃人啦，到宜家都唔肯比司機電話，果日分分鐘無車。

店舖地址：太子金都

店名：

華麗邂逅 

博士一站式 

鑲愛一生結婚一站式

夢幻

星嫁

博士

全為你

囍嫁

聽聞仲有其他分店都係佢開，大家見到係一條龍服務都要小心一d

我唔係發脾氣，只係比個溫馨提示比準新娘子，千萬唔好去金都租花車，華麗邂逅，伏中之伏

以為結完婚就一身鬆，其實今時今日仲煩緊big day野，我都知老公盡量比個開心浪漫既婚禮比我，但始終都會有意料之外，蛋糕都唔在講，阿妹當日比婚宴場地既人鬧，一個人竟然可以得罪哂成班兄弟姊妹，又成杯酒倒係佢身上，最誇張既係花車當玩失蹤，我已盡量抑壓自己唔好發癲呀，果然我全程笑住咁過big day ，我唔想因為一架車而令自己成個婚禮有任何污點，雖則呢件事真係好美中不足。

當日早上出門前2小時間花車公司打嚟話架車壞咗唔嚟，我原先租既係深紅色倫敦的士租成$3400，加多$500就連埋架24座小巴，當日小巴有到，花車無到，花車公司係電話入面佢實牙實齒話會退錢比我，咁我都算，開開心心去嫁啦，無架花車又唔會嫁唔出既，係咪先？

嫁完當然要處理埋去啦，但結果一日拖一日，原先話12月10日過數，到今日一蚊都無收到，老來來去去都係果幾招，10號變13號，13變17，17變21，22變24，2526話聖誕無人返工喎，老公話佢處理，好老實你太善良囉 你竟然可以比佢拖到今時今日，我實在忍唔住要打比佢，又話聽日，我話唔係喎你3號講你已經出咗票，7號比我架喎，過數都係即時啦，其實佢根本唔想比，又推係個司機退比佢，佢先可以退比我，我話人地大日子你玩失蹤，再者已經唔係第一次，我都有網上其他新娘朋友都同一遭遇，又係同一間倫敦的士，你好唔好意思架？原來一查先知呢間係黑店，收咗人花車錢唔出現，有嚟到未開工就收新人OT錢，比錢租貴花車最後嚟到係架cheap車，真係咩都有，而且呢個湯生好賴皮，我追數仲講到係我唔著，又話花車有嚟到大話連篇，又話叫我唔好追錢人地司機搵既係辛苦錢，大佬呀，你都無嚟又點會辛苦呀，幾經辛苦我搵到個司機電話，原來果日根本無出車亦無收過花車公司錢，係佢一直收咗錢但唔退比我，其實眼見唔少新人見幾千蚊少少事就唔追，我都覺得算啦，煩咗成個月一句比同唔比就得架喇，又話比但又要拖，我好得閒咩，望就望唔好再有人中伏，佢都有擺過婚展，唔好以為擺婚展就係信譽好係大公司，一樣隱藏好多黑店，大家千祈唔好賴野，如果已經比咗錢就諗定plan b ，唔好影響自己心情。

店舖地址：太子金都

店名：

華麗邂逅 

博士一站式 

鑲愛一生結婚一站式

夢幻

囍嫁

聽聞仲有其他分店都係佢開，大家見到係一條龍服務都要小心一d

地點：

金都1樓117號舖

6633 4580

6806 4577