放完聖誕假返o黎果日又收到 ORDER 要整新年吊飾啦,
都知呢個係必然要整o既項目 (走唔甩)~
第一件事係 -- 盤點手上有o既利是封 (呢個係必要o既材料)
發現唔夠呀!! 我儲埋果 d都係每個得3, 4個,
成大疊果d就得個"紅噹噹" 唔靚囉
咁唯有比錢買啦, 但第一樣要買o既係"流蘇"先
流蘇同舊年一樣o係太子X紛買, 10 蚊一條, 勁多色揀!
我同小齊就揀左姣姣地o既玫紅色~
雖然阿女話要整大個d, 但越大個咪要越多利是封,
咁咪要駛好多錢買??!! no~ no~
我話細細個都好啦, 方便攜帶嘛 (而家要帶出街咩?!)
anyway, 小齊冇乜異議, 都係照我指示做
果日o係旺角買左45蚊 2 packs (得20個)利是封,
無計, 都係要比錢先買到心中想要o既 pattern 同埋利是封紙質
我叫佢幫手剪d 圓形出o黎 (慳住用呀小齊)~
但當然佢剪果d 好多都唔合格啦,
剪到唔似圓形, 似九邊形咁上下...(哈哈)
不過當然我唔會打擊佢, 我照叫佢剪, 但我加工下d 圓邊
或索性"棄用",
如是者我地剪剪下都剪左廿幾個圓形出o黎
剪出o黎整咩?
看圖索驥不解釋~
(上網 search "paper globe" 就會搵到好多示範,
係唔知可唔可以整到好似人地咁靚)
(photo source: pinterest)
先整小球, 用 8個圓形
再整大球, total 要用20個圓形, 頂部 5個,
中間用10個, 底部又係5個, 記得要留位 "sip" 條繩同流蘇入去
貼好晒成個球覺得寡寡地, 搵下屋企有咩 deco material 啱用?!
係你啦, 教協買 $9.7, 抵!
貼埋d 紫色珠珠點綴下好好多~
完成得 8899, 最後加多少少o野,
本身係貼紙o黎, 不過我覺得用o黎貼落吊飾度都 ok
(貼珠珠同呢個貼紙都要用熱熔槍)
100% 完成圖~
呢個吊飾簡簡單單但我幾滿意
唔知點解唔係好想整紅色,
好似舊年我都係整紫紅色
唔知點解 d 舊 post 冇晒d 相,
但呢兩篇我都重新 upload過d 相 ~ )
今年又係紫色 tone ,
可能唔係好夠新年feel,
但自己幾喜歡, 老師派返比我我都會keep 住第時o係屋企用~
尋日交埋啦, o係芸芸同學交o既之中我地呢個真係好細規模,
小齊成日講 XX 同學交果個好似人咁大...
sorry 呢, 我盡左力咖啦~
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
